Do revision and perfect

திருத்தி திருந்தசெய்! 

கருமையம் எனுமோர் பொக்கிஷம்,

இருக்குது ஓவ்வொரு மனிதருக்கும்.

பிரபஞ்சம் தோன்றிய நாள்முதலாய்,

இன்றைய மனிதன் வாழ்நாள்வரை,

எல்லாப் பதிவும் அங்கேஅடக்கம்!

உள்ளம் நேர்மையாய் கொண்டு,

அன்பும் கருணையுமாய் செயல்செய்ய,

உனதுடல் உயிர்மனம் ஊக்குவிக்கும்!

தந்திரம் ஏதும்செய்து பிழைப்பாயானால்

அதுவே உன்னை ஆரிருள்மாய்க்கும்! 

விளக்கம்:

கருமையம் என்பதை குறிப்பிட்டு விளக்கமளித்தவர் குரு மகான் வேதாத்திரி மகரிசியே ஆகும். அது என்ன கருமையம்? உலகில் தோன்றிய எல்லா பொருட்களுக்கும், உயிரினங்களுக்கும், மனிதருக்கும் நடுப்பாகமாக, மையமாக அமைந்திருப்பது ஆகும். இக்கருமையம் இறையின் பெருநிதி என்றும் சொல்லலாம். தனக்கு நேர்கின்ற எல்லா அனுபவங்களையும் பதிந்து, காலத்தால் திருப்பித்தரும் செயல்மிக்கது. நல்லதோ கெட்டதோ அதற்கு தடையில்லை. 

ஆனால் மனிதனைத்தவிர மற்றெல்லாம் இயற்கையோடு ஒன்றினைந்து வாழ்ந்து வருகையில், மனிதன் மட்டுமே பிணக்கு கொள்கிறான். இயற்கையோடும், தன் சக மனிதரோடும் கூட. அந்த குற்றங்கள் கணக்கிலடங்கா.

அப்படிப்பட்ட மனிதன் கூட தன்னை திருத்தி வாழ வழி உண்டு. ஆனால் திருத்தமின்றி விரோதமனப்பாங்கோடு வாழ்ந்தால், அவன் செய்த குற்றங்களுக்கு தக்க தண்டனையாக, கருமையமே அவனுக்கு பாடம் கற்பிக்கும். இது செயல் விளைவு நீதியாகும். அடுத்தடுத்த பிறவியிலும் இது தொடரும். ஆகவே யாருமே இதிலிருந்து தப்ப முடியாது என்பதும் உண்மை என்பதை இக்கவி விளக்குகிறது.

-----

Thanks to Image by: Pexels and @Nathan Cowley