About

 வணக்கம் அன்பர்களே!

வேதாத்திரியத்தை உங்களுக்கு கவி வாயிலாக அறியச்செய்வதில் மகிழ்கிறேன். குரு மகான் வேதாத்திரி மகரிஷி அவர்களோடு கூடிய பயணம் என்னுடைய 18 வது வயதில், 1988 வயதில் தொடங்கியது. 1991 ம் ஆண்டு, ஆழியார் அறிவுத்திருக்கோவில், வேதாத்திரி மகரிஷியே நடத்திய ஆசிரியர் பயிற்சி முடித்து, அவரின் திருக்கரங்களால் அருள்நிதி பட்டயமும் பெற்றேன்.

கடந்த 31 ஆண்டுகளாக நான்பெற்ற இந்த அனுபவங்களின் தொகுப்பே இக்கவிதைகளும், மற்ற வலைப்பூக்களில் வரும் கட்டுரைகளும்.

ஒருவர் எப்போது ஞானி ஆகிறார்? என்று பொதுவாக கேட்பதுண்டு. என்றைக்கு தன் வாழ்வில் திருப்தியோடும், திருப்தி இல்லாமலும் சலிப்புற்று...

என்ன வாழ்க்கை இது? 

ஏன் இப்படி நடக்கிறது? 

இறை என்பது யாது? 

உயிர் என்பது யாது? 

ஆன்மா என்பது எது? 

நான் யார்?

என்று கேள்விகள் கேட்ட அந்த நேரத்திலேயே ஞான வாழ்வு தொடங்கிவிடுகிறது. 

திடீரென யாரும், கனவிலிருந்து விழிப்பதுப்போல ஞானி ஆகிவிட முடியாது. இறை தொடர்பான ஆராய்ச்சியும், விழிப்பும் அவசியம். தானாகவே சிலர் “ஞானி” ஆகிவிடுவதும் உண்டு. சில பயிற்சிகளில் “ஞானி” ஆக்கிவிடுவதும் உண்டு. இயற்பெயரை, பெற்றோர் வைத்த பெயரை மாற்றியும் “ஞானி” ஆக்கிவிடுவதும் உண்டு.

ஆகவே ஞானி ஆவது மிக எளிது. ஆனால் ஞானத்தைப்பெறுவதுதான் மிக கடினம். ஆனாலும் அது நிகழும் பொழுதுதானெ நேரம் “ஒரு நொடியிலும் மிகக் குறைந்த நேரமே” 

உதாரணமாக ஒரு கண்சிமிட்டலுக்குள் அதைச் சொல்லமுடியும். 

ஒரு குரு அருகாமை, குருவின் நினைவு மிகச்சரியாக இதை நடத்திவைக்கும். நாம் ஆராய்ச்சியோடும் விழிப்போடும் இருப்பதுவே முக்கியம்.

இங்கே இந்த கவிகள், உங்களை ஆராய்ச்சியில் நிறுத்தினால், நான் குரு மகான் வேதாத்திரி மகரிஷி அவர்களுக்குத்தான் நன்றி சொல்லுவேன். சிந்தனையை சீரமைத்து உய்வித்தவரல்லவா!

வாழ்க வளமுடன்.