Initiation by Guru's Simple Touch

 குருவின் எளிய தொடுதல் மூலம் தீட்சை

Gnanavallal Paranjothi Mahan and Vethathiri Maharishi on Kundalini Yoga Agna Chakra by Touch.

என்பது* ஆண்டுக்கு முன்பாகவே

வந்தது யோகதீட்சை எளிதாகவே!

சித்தர் தந்தவாசி யோகமின்றியே

ஒரேவழி ஆக்கினை, மூலமிருந்து, 

தொட்டு உயர்த்தி நிறுத்துவதாம்!

வாசியில் குறையில்லை உயர்வே!

மாற்றம் இறையருளே தந்தததுவே!

இனிமுயற்சி பல்லாண்டு தேவையோ?

பயணத்தில் தலைமேல் சுமையோ?

இறையுணர இனிஎன்ன தடையோ?

விளக்கம்:

இறை உணர யோகதீட்சை வேண்டும். அந்த தீட்சை முறை சித்தர்களால் உணர்ந்து வடிவமைக்கப்பட்டு “வாசியோகம்” என்றவகையில் மூச்சை அடக்கி, அதில் எழும் கனல் மூலமாக, மூலாதாரத்தில் உறைந்திருக்கும், குண்டலினி எனும் இறை சக்தியை எழுப்பி ஓவ்வொரு ஆதாரங்களாக நிறுத்தி, நிறுத்தி ஆக்கினை எனும் ஆறாம் ஆதார சக்கரத்தில் நிறுத்திப்பழக வேண்டும். இந்நிலைக்கு வர 12 ஆண்டுகள் ஆகும். தவறவிட்டால் வாழ்நாள் சிக்கலாகிவிடும். மனம் உடல் உயிர் பாதிப்படையும்.

இவ்வளவு சிக்கல்கள் இருந்தபோதிலும், அதுவே உலகில் கடைபிடிக்கப்பட்டுள்ளது. இன்னமும் தொடர்கிறது. ஆனால் அந்த சித்தர்களே இதில் இருக்கின்ற கடினத்தை, பிரச்சனைகளை, கால அவகாசத்தை, குறுகிய வாழ்க்கை நாட்களை கணக்கில் கொண்டு, மாற்றம் கொண்டுவந்தனர். அதுவே தொட்டு தரும் தீட்சை முறையாகும்.

ஞானவள்ளல் பரஞ்சோதி மகான் மூலமாக (*என்பது ஆண்டுக்காலம் என்று குறிப்பாகவே சொல்லப்படுகிறது) , இம்முறை மறுமலர்ச்சி பெற்றது. அவ்வழியாகவே மகான் வேதாத்திரி மகரிசியும், தொட்டுத்தரும் தீட்சை முறைகளை தொடர்ந்தார்.

எனவே எளியமுறை தொட்டுத்தரும் தீட்சையே சிறப்பானது என இக்கவிதை விளக்குகிறது.

வாழ்க வளமுடன்

------