Let's make Correction

திருத்தம் செய்வோம்

தலைவிதி எனவே நொந்து

தவித்திட தேவை இல்லையே

அகற்றிட குறுக்கு வழியில்லையே!

செய்ததே வினைஎன வந்ததே,

திருத்திச் செய்திட அகன்றிடுமே,

எத்தனை பெரும் வினையாயினும்!

திருத்தம் பெற்று திருத்திவாழ

சீரான வழியாம் மனவளக்கலை!

விளக்கம்:

இந்த வாழ்க்கையில் நாம் பெறும் கஷ்டங்களுக்கெல்லாம் என்ன காரணம்? விதியா? கர்மா? என்று யோசித்துக் கொண்டே இருப்பவர்களை பார்க்கிறோம். அதை எப்படியாவது அகற்றவேண்டும், சரி செய்யவேண்டும் என்று ஜாதகத்தை எடுத்துகொண்டு பலன் கேட்பதும், சாமியார்களை வேண்டி பாதம் பணிவதும், கோவில் குளம் என்று அலைவதும் நடந்துகொண்டிருக்கிறது. 

விதி என்று ஏதும் இல்லை என்பதுதான் உண்மை. செய்த செயல்களின் வினையால் நாம் சூழப்பட்டிருக்கிறோம். இதற்கு நாம் சரியான செயலை செய்து சரியான பலனை எதிர்நோக்க பழக வேண்டும். அதாவது திருத்தி செய்ய வேண்டும். அந்தவழியில் மட்டுமே நம் வினைகள் களையப்படும். அதற்கு எளியவழி தருவது மகான் வேதாத்திரி மகரிசி வழங்கிய மனவளக்கலையே ஆகும்.

வாழ்க வளமுடன்.

------

Thanks to images: themodernman.com