Solution for Mind and Body

 உடலுக்கும் மனதிற்கும் தீர்வு

உடல் நோயெல்லாம் ஒருநாளில் ஓடும்

உள நோயிருந்தால் எந்நாளில் ஓடும்?

விளக்கம் உள்வாங்க தெளிவு பிறக்கும்

விலக்கிக் தள்ளிவிட மயக்கமே பிறக்கும்.

உன்னை சிதறடிக்க நிறைய உண்டிங்கே

இயல்பாய் வினைதீர நிரவும் இயற்கையாய்

கவனம் கொள்ள தேவையில்லை அதுகுறித்து,

சிந்தனையை உயர்த்தி நற்செயல் செய்தால்!

உடல் சீர்செய்ய இருக்கு எளியஉடற்பயிற்சி

உளம் சீர்செய்ய இருக்கு மனவளக்கலை

உலகில் பிறந்த காரணமும் கடன்கடமையும்

உணர்ந்தே அறியலாம், மனமெல்லம் மகிழ்ச்சி!

விளக்கம்:

இந்த புவியில் வாழும் ஒவ்வொருநாளும், நாம் வினைகள் கழிக்கிறோம் அல்லது பெறுகிறோம். இது ஒரு தொடர் சங்கிலிபோல வந்துகொண்டே, நடந்துகொண்டேதான் இருக்கும். இதிலிருந்து விலக நாம் இனிமேல் நல்லது செய்ய வேண்டும் என்பதுதான் வழி.

தனக்கும் பாதிப்பில்லாமல், பிறருக்கும் பாதிப்பில்லாமல் ஒரு செயல் செய்ய வேண்டும். ஏற்கனவே பாதிக்கப்பட்ட ஒருவருக்கு உதவி செய்ய வேண்டும்.

இதை மறந்தால், நம் உடலும் மனமும் பாதிக்கப்படும், அதனால் நம் வாழ்வும் பாதிக்கப்படும், குடும்பம் பாதிக்கப்படும் என்பதையும் அதற்கான மாற்று சிந்தனை தரவல்லது மனவளக்கலையே என்று இக்கவிதை உணர்த்துகிறது. வாழ்க வளமுடன்.

----------

Photos thanks to: DREAMSTIME