The Benefits of Yoga

யோகம் தரும் யோகம்

இறைஉணர வேண்டும் என்றால்

இருப்பதெல்லம் இழக்க நேரும்

என்றெண்ணி யோகம் தவிர்ப்பர்

உண்மையில் யோகம் கற்றால்

முன்னைவிட உற்சாகம் பொங்க

இவ்வுலகில் வாழ்ந்து மகிழலாம்

எவ்விதமும் குழப்பம் இல்லை

தெய்வம் மனிதர் இடையிலே!

இயற்கையின் ஆதார சுருதியை

முழுதுமாக அறிந்திட்டால் போதும்

முக்காலம் உணரும் ஞானியாய்

விளைவறிந்து செய்ய யோகமே!

விளக்கம்:

யோகம் என்றால் கிடைத்திருக்கும் பரிசு, அதிர்ஷ்ட வாய்ப்பு என்று அர்த்தம். இறை உணர சொல்லப்படும் வழியும் யோகம் என்றே அழைக்கப்படுகிறது. ஆனால் அக்காலம் முதற்கொண்டே பக்திவழிபாட்டுக்கு முக்கியத்துவம் கொடுப்பதற்காகவே, குடும்பத்தில் இருப்பவர்களுக்கு யோகம் ஆகாது என்றே சொல்லி திசை திருப்பி விட்டனர்.

உண்மையில் யோக வழியிலே இறை உணர்ந்தால், மனம் தெளிவு கிடைக்கும், முக்காலம் உணரும் ஞானம் கிடைக்கும். இயற்கை, இறை உண்மை விளக்கம் கிடைக்கும். வாழ்வு இனிதாகும். உலகம் மகிழ்ச்சிக்குறியதாக மாறிவிடும். என்பதை இக்கவிதை விளக்குகிறது.

-----

Thanks to images: Google and Copyright to it's owners