The missed life will not come back

இழந்த வாழ்வு மீண்டு வராது!

எளிதாய் ஒருபொருள் கிடைக்குமென்றால்

தரத்தில் அதுகுறைவென்று உலகுநினைக்கும்.

தரத்தை உயர்த்திகாட்டிடவே எளியஒன்றேயாயினும்

எட்டாக் கனியாய்தள்ளி வித்தைஜாலம்செய்வார்

எதுவும் இங்கேவணிகம் பண்டமாற்றும்போக்கு.

பக்தியும் யோகமும்அவ்வாறே தள்ளித்தள்ளிபோயிற்று!

ஆறிரண்டு ஆண்டுகாலம் இன்றேதீட்சைஎன்றாச்சு

ஏமாற்று எனநினைத்து வாழ்க்கைகாலம்போயாச்சு!

விளக்கம்:

பக்தியிலும், யோகத்திலும் உயர்ந்து உண்மை அறிந்தால்தான், மனிதர்களின் வாழ்க்கை சிறக்கும். மனித அறிவு ஓவ்வொரு காலகட்டத்திலும் உயர்ந்து வருகிறது. உண்மை என்ன் என்றால், இப்போது உலகமே ஒரு சமூகமாக இணைந்து விரிந்து இயங்குகிறது. இந்த நிலையில், பழைய காலங்கள் போல, கஷ்டப்படாமல் எதும் கிடைக்காது. நிலைக்காது என்று மக்களை ஒரு மயக்க நிலையிலேயே பக்தியும், யோகமும் வைத்திருக்கிறது. அதோடு இவை இரண்டும் பெரும் வணிகமாகவும் மாறிவிட்டன.

இப்படியான நிலையில்தான், அருள்தந்தை வேதாத்திரி மகரிசி எளிய முறை குண்டலினி யோகத்தை, மனவளக்கலை மூலமாக தந்தார். தன் வாழ்நாள் முழுவதும் தனி மனிதனின் வளர்ச்சியை நோக்கியே பயணித்தார். வெற்றியும் கண்டார். ஆனாலும் இதை ஏற்றுக்கொள்ள இன்னும் பலருக்கு தயக்கமே. 

மேலும் சில வேதாத்திரி அன்பர்களே கூட, வேறு பாதையில் செல்லுவதும் நிகழ்கிறது. தன் மூலம் அறிந்து, தன்னை உயர்த்த குருவிடம் சரணடைவதே எளிய வழி ஆகும். ஏமாற்றுக்கார்களிடம் சிக்கி வாழ்க்கையை தீர்த்துவிட்டால் திரும்ப வராது என்பதை உணர வேண்டும் என்று இக்கவிதை விளக்குகிறது.

வாழ்க வளமுடன்