The need will be fulfilled

தேவைகள் நிறைவேற்றப்படும்

கடவுளைத் தேடிக் கடந்து,

உள்ளே இருப்பை அறிந்தால்

தனக்குள் முழுமை உணரலாம்!

இறையே அன்றி வேறேன்ன?

இங்கும் அங்கும் எங்கும்மே

நிலைத்து இன்பம் திளைக்கவே

கிடைக்கும் அதிசயம் சொல்வேன்.

உனக்கென்ற தேவை என்னவோ?

தானாக உனைதேடி வந்துநிற்கும்.

உன்குறை எல்லாம் பூர்த்தியாகும்!

விளக்கம்:

குண்டலினி யோகத்தில் தீட்சை பெற்று, தொடர்ந்த பயிற்சியில் கடந்து உள்ளே தவம் செய்யச்செய்ய, தனக்குள்ளாக அந்த இறை, இருப்பாக உணரலாம். அந்த பூரணத்தில் மகிழ்ந்து நிற்க, மனம் விரிந்து செயலாற்றும் தன்மை கிடைக்கும். தான், தனது என்ற பொருள் பற்றும், அதிகார பற்றும் இல்லாத நிலையில் வாழ வழி கிடைக்கும். தன்னைப்போலவே பிறரையும் இறையின் பிரதியாக காணும் பரந்த அறிவுநிலை உண்டாகும்.

அத்தகைய அன்பும், கருணையுமான பார்வையில், உங்களுக்கு வேண்டிய தேவைகளை அவர்களாவே மனம் உவந்து உங்களுக்கு சேவை செய்து நிறைவேற்றுவார்கள். இன்னது தேவை என்று நினைத்தாலே, யாரேனும் ஒருவர் அந்த தேவையை எந்தவழியிலாவது காலத்தால் நிறைவேற்றி வைப்பார். இறையை உணர்ந்த அன்பர்களுக்கு நடைபெறும் உண்மையை இந்தக்கவி விளக்குகிறது. 

------

 Thanks to Image by: Pexels and @fauxels