Concern and support

அக்கறையும் அனுசரணையும்!

எனக்குஇது தேவை என்றெண்ணும் பொழுது

உனக்குஇது போதும் என்றேவழங்கும் இறையது!

மீறுதல்அது இயல்பே என்றாலும்கூட கிடைத்தபின்

ஒருபோதும் இன்பமோ நிறைவோ அதுதாராது!

இதன்உண்மை இருக்கும் வாழ்வில் கழிக்காமல்

இதன்பொருட்டு கூட்டினாய் பதிவாக மற்றொன்றால்!

வினைகழிக்க வாய்ப்பு தவறினாய் சுமையேற்றினாய்!

உன்வாழ்வில் ஓர்நிகழ்வும் சிந்தித்தால் தெரியவரும்! 

விளக்கம்:

மனிதவாழ்வில் துன்பங்களே மிகுதியாக இருக்கின்றன என்று நாம் எல்லோருமே புலம்பித் தவித்துக்கொண்டிருக்கிறோம். இதற்கு காரணமாக, இறையை துணைகொண்டு உதவு என்று வேண்டுகிறோம். உண்மையிலேயே இந்த இயற்கையில் துன்பங்களே இல்லை. எதையும் முறையாக, அளவு முறையோடு அனுபவித்தால் இன்பமே கிடைக்கும். நமக்கு கிடைத்திருக்கும் துன்பம் எல்லாம், நம்முடைய முறையற்ற ஆசையினாலும், பேராசையாலும் உண்டானது என்ற உண்மை உணரவேண்டும்.

நம் எண்ணத்திலும், செயலிலும், ஆசையிலும் ஒரு விழிப்புணர்வு கொள்ள வேண்டும். அப்படி இருந்தால், அது தேவையா என்ற கேள்வி எழும். அந்த கேள்வியை மனதிற்குள் கொண்டுவருவதே இறை என்பதை உணரவேண்டும். வேண்டும், வேண்டாம் என்பது அங்கேயே நமக்கு தெரிந்துவிடும். ஆனால் நாம் அதை ஏற்றுக் கொள்வதில்லை. அந்த விளைவு நமக்கு இன்பம் தருவதற்கு பதிலாக துன்பம் தருவதையும் நாம் அறிவோம்.

எனவேதான் இறை, நம்மை வழிநடத்தி, இருக்கும் வினைகளை கழித்துவிடு என்று சொல்வதை அறியாமல் மேலும் மேலும் சிக்கிக்கொள்கிறோம், என்ற உண்மையை இக்கவிதை நமக்கு விளக்குகிறது. 

வாழ்க வளமுடன்.