Greet their for changes

திருத்தம் பெற வாழ்த்து!

தனக்குப் பிடிக்குமிது என்பதற்காக,

எதிராளை பொருட்டாக மதியாதோர்

இந்நாளில் பெரும்திரளாய் இருக்கிறார். 

சட்டமோ அதிகாரமோ அடிதடியோ

இருந்தாலே திருந்துவார், பொதுவானது!

திருத்துதல் நம்வேலையோ, விலகிடுக!

அவர்பிறரோ வாழ்துணையோ சகித்திடுக!

காலத்தால் திருத்தம்பெற வாழ்த்திடுக!

விளக்கம்:

ஓவ்வொரு தனி மனிதனின் சுதந்திரதிற்கு இடையூறாக இருப்பதே சிலருக்கு பொழுதுபோக்கு. நான் அப்படித்தான் செய்வேன் என்ற அகம்பாவம் கொண்டே அந்த செயல்களை செய்வார்கள். எனக்குப் பிடிக்கும் எனவே நான் இப்படித்தான் இருப்பேன். நீ வேண்டுமானால் உன்னை மாற்றிக்கொள் என்று நமக்கே திருப்பி, அறிவுரை வழங்குவார்கள். 

எங்கும், எந்த இடத்திலும் இப்படியான, தன்னலம் கொண்ட மனிதர்களை காணமுடியும். இப்படியான மனிதர்களை முறைப்படுத்தவே, நாட்டில் சட்டமும், அதிகாரமும் கொண்டு வந்துள்ளார்கள். ஆனால் அதைமீறியும் வாழ்பவர்களை நமக்கு தெரியுமே? இன்னும் சொல்லப்போனால், அதை உருவாக்கியவர்களே மீறுவதையும், பொறுப்பை துறப்பதையும் பார்க்கிறோம் அல்லவா? சரி, வீட்டில் வாழ்க்கை துணை இப்படி இருந்தால்?!

பொதுவாழ்க்கையிலும், வீட்டிலும் அப்படியான நபர்களை எப்படி அணுகுவது என்று, அதற்கான வழியை இந்தக்கவி விளக்குகிறது.

வாழ்க வளமுடன். 

-----

Thanks to Image by: probonoaustralia.com.au