No wakefulness, no sleep, no excuse

விழிப்புமில்லை, தூக்கமில்லை, தவிர்க்கவும் இல்லை!

இரண்டு உலகில் இருக்கிறோம்

விழிப்பில் இருக்கும் ஓர்உலகம்

துயிலில் இருக்கும் மறுஉலகம்.

சிக்கலில் சிலநேரம் தவிக்கிறோம்

விழிப்பில் இருக்கும் ஓர்உலகை

துயிலில் சேர்க்க நினைக்கிறோம்.

துயிலில் இருக்கும் மறுஉலகை

விழிப்பில் சேர்க்க நினைக்கிறோம்.

இரண்டும் கடந்தும் ஓர்உலகம்,

இருக்கிறது தவத்தாலது கிடைக்கும்.

விழிப்பும் துயிலும் கலந்தொன்றாய்

அற்புதம் நிகழும் இனிஇன்பமே!

விளக்கம்:

இன்பமே நிறைந்த இவ்வுலகில், பலப்பல சிக்கல்களை உருவாக்கிக் கொண்டது  இந்த மனித சமூகம். அது ஒவ்வொரு மனிதனிலும் பிரதிபலிக்கிறது. திருந்த, திருத்த வழி இருந்தும், அதை செய்யாமல் மேலும் சிக்கலாக்கிக் கொள்கிறான். 

இந்த சிக்கல்களில் இருந்து தப்பிக்க, தற்காலிகமாக அவர் தேர்ந்தெடுத்த வழி, தூக்கம். வழக்கமாக ஒரு மனிதனுக்கு 6 அல்லது 8 மணி நேர தூக்கம் வேண்டும். ஆனால் அப்படி தூங்கினாலும் கூட அவன் அமைதியடைவதில்லை. தூக்கத்திலும் அவனுடைய பிரச்சனைகள் வந்து தாக்குகின்றன. இருந்தாலும்கூட விழிப்பு நிலையைவிட சற்ற அமைதிகொள்கிறான். இதன் காரணத்தால், இரண்டு உலகில் வாழ்ந்து அவற்றை மாற்றிக் கொள்ளவும் விரும்புகிறான். விழிப்பு உலகை, உறக்க நிலைக்கும், உறக்கத்தில் உள்ள உலகை விழிப்பு நிலைக்குமாக. 

உண்மையிலேயே அவன் விரும்பினால், அகத்தவம் கற்றுக்கொண்டு, விழிப்பும், உறக்கமும் இல்லா ஓர் உலகை, அவன் உருவாக்க முடியும். மனம் அமைதியடைய முடியும், தவறுகளை திருத்தி, இன்பமே நிறைந்த உலகில் அவன் வாழ முடியும் என்று இந்தக்கவி விளக்குகிறது.

வாழ்க வளமுடன்.

-----

Thanks to Image by: Freepik