Outmoded wisdom!

காலம் கடந்த ஞானம்!

உடலும் மனமும் தேவைகருதி

உணவை கேட்டு பசிதூண்டும்.

நம்முடைய தேர்வோ சுவையுணவு,

நமக்குள் சமைக்க நேரமுமில்லை

எங்கிலும் எவரும் பகிர்கின்றார்.

தேடிச் சென்றே பெறுகின்றோம்.

வழியில் எத்தனையோ சத்தானது

யாருக்கு வேண்டும்? ரத்தானது!

காலம் கடந்தால் ஞானம்வருமே?!

சுவைதேடி உடலே வீணானது!

தொடவே முடியவில்லை சத்துணவை,

உடலும் மனமும் அடிமையானது

இதுவரை சாப்பிட்ட சுவையுணவுக்கு! 

விளக்கம்:

இரண்டு பொருள் தரும் வகையில் இக்கவிதை உள்ளது. சுவை உணவுக்கும், சத்தான உணவுக்கும்  (Junk Food Vs Healthy Food) இடையிலே நாம் சிக்கி தவிப்பது போலவே, பொருள் முதல்வாத உலகுக்கும், யோகவாழ் உலகுக்கும் (Materialistic World Vs Spiritualistic World) இடையேயும் சிக்கித்தவிக்கிறோம். நாமே விரும்பி செயல்பட்டதால், இயற்கையின் வழியே நடந்துவந்த உடலும், மனமும் கூட பழகிப்பழகி அடிமையாகிவிட்டது என்பதே உண்மை. 

இந்த நிலை மாறவேண்டுமானால், நாமே கடினமாக முயற்சித்து சரியான வழியில் மாற்றிக்கொள்வதைத் தவிர வேறு வழியே இல்லை.

வாழ்க வளமுடன். 

-----

Thanks to Image by: 123RF