Where are you?

 நீ எங்கே இருக்கிறாய்?

இரவுவானை என்றேனும் பார்ப்பாயா?

மின்னுமிந்த விண்மீன் பெரிதுசூரியனினும்!

கண்ணுக்கெட்டும் தூரமே உன்பார்வை,

பெரிதுமிகப் பெரிதுஇந்தப் பிரபஞ்சமே!

எளிதாய்ஓர் விளக்கம்காண இப்படிச்செய்,

ஓர்வெள்ளை காகிதத்தில் மையைஉதறிடு!

இருப்பதில் மிகச்சிறுஉரு மைப்புள்ளிஎடு!

உன்சூரிய குடும்பமதுவே, இதில்நீஎங்கே?

விளக்கம்:

ஒவ்வொரு மனிதனும் தனக்கான உலகை கொண்டிருக்கிறான். அதில் அவனே, அவன் மட்டுமே பெரியவன் என்று மமதை கொள்கிறான். யாரையும் சக மனிதராகக்கூட மதிப்பதில்லை. அதிலும் இந்த பொருள்முதல்வாத உலகில், அதிகப்பணம் இருக்கும் மனிதரை மட்டுமாகிலும், பெரியவர் என்று நினைத்து, அவர் முன்னால் கைகட்டி நிற்பான் என்பது மட்டும் உண்மை. மனிதன் உண்மையிலேயே பெரியவனா?

இரவு வானத்தைப் பார்த்தால், கோடிக்கணக்கான விண்மீன்களை பார்க்க முடியும், பகலிலும் இருக்கின்றன, ஆனால் சூரியனின் ஒளி அவற்றை மறைக்கும். அந்த ஓவ்வொரு விண்மீனும், சுரியனை விட மிகப் பெரியவை, தூரத்தில் இருப்பதால் அப்படி சிறு விண்மீனாக தோற்றமளிக்கிறது. அறிவியல், அணுவியல் உயர்ந்திருக்கும் இந்த 21ம் நூற்றாண்டில் கூட, தொலைநொக்கி கருவி பயன்படுத்தினாலும், ஒரு எல்லைக்கு மேலாக இந்த விண்ணை, நாம் பார்க்க முடிவதில்லை. செயற்கைகோள் தொலைநோக்கி கூட இப்பொழுதான் சூரிய குடும்பத்தின் சில பெரும் கோள்களை கடந்திருக்கிறது. அப்படியானால் இந்த பிரபஞ்சம் எத்தனை பெரிது?

ஒரு எளிய சோதனை மூலமாக, பிரபஞ்சத்தை அறிய இந்தக்கவி விளக்கம் அளிக்கிறது. முயன்றுபாருங்கள், உண்மை அறியுங்கள்.

வாழ்க வளமுடன்.

-----