Happiness suffering peace bliss!

இன்பம் துன்பம் அமைதி பேரின்பம்!

இருப்பில் எப்போதும் நிறையுண்டு

இருப்பு குறைந்த உடனேனிறையாது!

இருப்பதில் மிகை செலவானால்

இன்பம் அங்கே கிடைப்பதுண்டு!

இருப்பதே செலவனால் அங்கே

வருத்தும் துன்பமே கிடைத்துவிடும்!

இன்பத்தில் எப்போதும் அளவுமுறை

துன்பம் எந்நாளும் வரவழைக்காது!

அமைதி அப்போது கிடைத்துவிடும்

அமைதியே நிலைத்தால் பேரின்பம்!

விளக்கம்:

ஒரு நாளின் விடியலில் எழும்பொழுது நமக்கு கிடைக்கும் சக்தி அளப்பரியது. அந்த ஒரு நாள் முழுதும் அந்த சக்தி போதுமானது. அதை வேதாத்திரியத்தில் “ஜீவ காந்தம்” என்று அழைக்கிறோம். பொதுவாக ஒரு மனிதன் தூங்கும் பொழுது, கடந்த நாளில் அவனுக்கு உண்டான பற்றாக்குறை சக்தி, நிறை செய்யப்படுகிறது. ஆனால் தூக்கத்தை தவிர்த்து வாழும் இக்கால மனிதர்களுக்கு இது பொருந்தாது. 

நிறைசெய்யப்பட்ட அந்த சக்தியின் வழியாகவே, நம் மனமும், உடலும், ஐந்து புலன்களும் வேலை செய்கிறது அல்லது செய்யவைக்க முடியும். சக்தியின் அளவு குறைந்தால், உடனே நமக்கு சோர்வும், தூக்கமும் இயல்பாக வந்துவிடும். அதை மீறவும் முடிந்தால், இருப்பிலிருந்து சக்தி செலவாகி நோய் வந்துவிடும் வாய்ப்புக்கள் அதிகம். இன்றைய சமூகம் இந்த மீறலில்தான் இருந்துவருகிறது.

எனவே சக்தியை அளவோடும், முறையோடும், தேவைக்கு ஏற்றபடி செலவு செய்தால் மட்டுமே இன்பம் கிடைக்கும். இன்பத்தில் அளவு, முறை மீறினால் துன்பம் வந்துவிடும் என்பது உறுதி.

இன்பம் நிலைத்து நிற்குமாயின் அங்கே அமைதி பிறக்கிறது. அந்த அமைதியில் நிலைத்தால் அதுதான் பேரின்பம் ஆகும் என்று இக்கவிதை உண்மை நிலை விளக்குகிறது!

வாழ்க வளமுடன்.

-----

Thanks to Image by:  Unsplash/Radu Florin