Journey to the destination!

இலக்கு நோக்கிய பயணம்!

இலக்கில்லாத பயணம் வாழ்நாளில்

என்றேனும் தொடங்கி இருக்கிறோமா?

நினைவேதும் இல்லை இனிமேலுமில்லை!

என்றாலுமே பொய்யே உரைக்கிறோம்.

வாழ்நாளில் நான்யார் என்றறியவேதான்

பிறந்தோம் இவ்வுலகில் பின்மறந்தோம்!

இதுவரையில் நான்யார் என்றுகேட்டோமா?

யாரையாவது நீயார் என்றேகேட்டோம்!

நான்யாரென்ற கேள்வியே இலக்கானால்

தொடங்கினோம் பயணம் மூலம்நோக்கி!

விளக்கம்:

நம் தினசரியான வாழ்வில், ஒரு பயணம் என்று வைத்துக்கொண்டால் ஒரு இலக்கு இருக்கும். அந்த இலக்கில் உள்ள ஊரில், இடத்தில், அலுவலகத்தில் ஏதேனும் ஒரு சந்திப்பு, தேவை நிறைவேற்றுதல், வேலை இப்படியாக ஏதேனும் ஒன்றின் தேவையும் அதில் இருக்கும். இலக்கே இல்லாமல் ஒரு பயணம் நாம் தொடங்கியதுண்டா?

இல்லை என்றுதான் சொல்லுவோம். ஆனால் இந்த வாழ்வில் (சராசரியாக 60 ஆண்டுகள்) என்ன இலக்கோடு நாம் வாழ்கிறோம் என்று நீங்களே, உங்களை கேட்டுப்பாருங்கள். அந்த இலக்கொ நோக்கி உங்கள் வாழ்வு நகர்கிறதா அல்லது நீங்கள் நகர்கிறீர்களா என்று சிந்தனை செய்யுங்கள்!

அதோடுமட்டுமல்லாமல், நீயார் என்றுதான் கேட்டுப்பழகி இருக்கிறோம். நான்யார்? என்று தானே தனக்குள்ளாக கேள்வி கேட்டிருக்கிறோமா? அப்படி “நான் யார்?” என்ற கேள்வியே இலக்காக கொண்டால், உங்கள் மூலம் நோக்கிய பயணத்தை அன்றே தொடங்கிவிட்டீர்கள் என்பது உண்மை, என்று இக்கவி விளக்குகிறது!

-----

Thanks to Image by: Copyrights to its owners