Karma and Us

கர்மாவும் நாமும்!

கர்மம் தீர்த்துப் பிறந்தாயோ

கர்மம் தீர்க்கப் பிறந்தாயோ

என்றே அறியவழி இருக்கிறது!

இல்லை களங்கம் உள்ளத்தில்,

இல்லை நோய் உடலிலென்றால்,

கர்மம் இனிஏதும் இல்லையாம்.

இரண்டும் உனக்கு உண்டென்றால்,

நோக்கம் இனிகர்மம் தீர்த்தலேஆம்!

விளக்கம்:

ஒரு குழந்தை பிறக்கிறது என்றால், ஒரு காரணமிருக்கிறது. ஆண் பெண் இணைவது மட்டுமல்ல. இணைந்த ஆணும் பெண்ணும் தீர்க்காத வினையின் அல்லது கர்மாவின் விளைவாகவே “கரு” உருவாகிறது. அப்படியானால், கர்மாவை தீர்ப்பதற்கே ஒரு பிறவி உருவாகிறது என்பதே உண்மையாகும்.

அந்த கர்மா இல்லை என்றால் கூட குழந்தை பிறக்குமா? பிறக்கும். தானும் இன்புற்று, இந்த  உலகையும் நல்வழியில் வழி நடத்திச்செல்லும் எல்லா திறமைகளையும் உள்ளடக்கிய தன்மை கொண்டு பிறக்கும்.

இப்பொழுது ஒரு பரிசோதனை. நீங்கள் கர்மா (வினைப்பதிவு) நீக்கியவரா, இல்லையா? உங்கள் பதில் ஆம்/ இல்லை. ஆனால் உங்கள் உள்ளத்தில் களங்கம், உடலிலே நோய் இருக்குமானால் உங்கள் கர்மா “நீக்கம் பெறவில்லை” எனலாம்.அதை தீர்ப்பதற்கே பிறந்திருக்கிறீர்கள். 

இரண்டும் இருக்குமானால் அதை தீர்க்க என்ன வழியோ, அதை நாட வேண்டும். யோகம் தவிர வேறென்ன? என்று இக்கவிதை விளக்கம் அளிக்கிறது.

வாழ்க வளமுடன்.

-----

 Present by:

Thanks to Image by: arabnews