The human mind and planets on universe

மண்ணும் விண்ணும்!

மண்ணுலகில் இருக்கும் நமக்கு

விண்ணுலக தொடர்பு இருக்கு!

ஒன்றே தான் அண்டத்திலும்

அதுவே தான் பிண்டத்திலும்!

மனமோ ஒருஅலை வீச்சும்

கிரகமோ மறுஅலை வீச்சும்

மோதும் அது பிரதிபலிக்கும்

ஊடுறுவும் அது சிதறிடும்

இரண்டுக்கும் இடையே ஓடிடும்!

இயல்பதுவே தூண்டல் இரண்டும்!

நல்லாதாய் நீனினை எப்போதும்

அல்லதே எழாது எந்நாளும்!

விளக்கம்:

அண்டத்தில் உள்ளது பிண்டத்தில், பிண்டத்தில் உள்ளது அண்டத்தில் என்று சித்தர்கள் சொன்னது, நமக்குள்ளாக மிகப்பிரபலமான ஒரு வார்த்தை. எல்லாவகையிலும், இந்த பிரபஞ்சத்தில் இருக்கும் எல்லாமே ஒரே ஒரு மூலத்தில் இருந்து உருமாறினவையே என்று சொல்ல முடியும். எனவே இங்கே “படைத்தான்”, “உண்டாக்கினான்” என்பது பொருந்தாது.

ஒவ்வொரு மனிதனின் மனதிலிருந்து அலை எழுந்து வீசுகிறது என்பது, விஞ்ஞானிகளால் நிரூபிக்கப்பட்ட உண்மை. அதுபோலவே, வானில் உலவும் நட்சத்திரங்கள், கோள்கள் வழியாகவும் அலைகள் எழுந்து வீசுகிறது என்பதும் உண்மை. இதன் அடைப்படையில்தான் ஜோதிடம் எழுதப்பட்டது. ஆனால் ஜோதிடம் பல்வேறாக வளர்ந்து, தனித்தனி மனிதர்களின் ஆராய்ச்சியில் சிதைந்து, ஒற்றுமைக்கு வராமல் சிதறிவிட்டது. இதனால்தான் ஒருவருவர் கூறும் பலனை, இன்னொருவர் இல்லை என்கிறார். இந்நிலை காலப்போக்கில் மாறி, ஒருமைக்கு வந்தால் நல்லதே!

அலை என்று எடுத்துக்கொண்டால், அதற்கு ஐந்து தன்மைகள் உண்டு. அவை மோதுதல், பிரதிபலித்தல், சிதறுதல், ஊடுறுவுதல், இடையே ஓடுதல் என்பனவாகும். எனவே இதன் தன்மை உணர்ந்து, மனதில் நல்ல எண்ணங்களை சிந்திக்க தொடங்கினால், நம்மை சுற்றியுள்ள மற்ற அலைவீச்சும் நமக்கு சாதகமாக மாறிவிடும் என்று இந்தக்கவி சொல்லுகிறது.

வாழ்க வளமுடன்.

-----

Thanks to Image by: Copyrights to it's owners only