The Karma is solved

வினை தீர்கிறது!

நல்லது செய்தால் நமக்கும்

நல்லதே விளையும் இதுவழக்கு.

ஆனால் இதுஎல்லா நேரத்திலும்

உண்மை ஆகாததேன் என்றால்,

நல்லது செய்வதால் ஒருபங்குமாக,

திரும்பி வருமேதும் மறுபங்குமாக

நம்பிறவி வினைத் தீர்ந்திடும்.

நல்லது அல்லதை தருவதால்,

அல்லதே நானும் செய்திடுவேன்

என்றே மேலும் வினைவேண்டாம்!

விளக்கம்:

உலகில் நல்லது செய்தே வாழ்பவர்களுக்கு, எந்த விதத்திலும் தீங்கு எழாது என்பது அறியாமை என்று குரு மகான் வேதாத்திரி மகரிசி, மாக்கோலமாய் விளைந்த மதிவிருந்து எனும் கவிதை நூலில் பதிந்துள்ளார். அந்தவகையில், நல்லது செய்தால் நமக்கும் நல்லதே விளையும் என்ற நம்பிக்கை நல்லதுதான் எனினும், சில நேரங்களில் அது தவறான விளைவைத் தரும். ஏன்?

நமது செயலில் நாம் பொறுப்பாக இருக்கும் பொழுது, விளைவைத் தருவதில் இறையே முக்கிய பங்கு வகிக்கிறது. அப்படி நிகழ்வதற்கு முக்கிய காரணம், நம் பிறவி வினை தீரவேண்டுமே? அதனால்தான்.

எனவே நல்லது செய்தால் அல்லது விளைகிறது என்றால், செய்வதால் ஒருவினை தீரும், விளைவால் ஒரு வினை தீரும். ஆனால் திசை மாறி நானும் அல்லதை செய்வேன் என்றால், மேலும் வினைப்பதிவு புதிதாக சேர்ந்துவிடும் என்று இந்தக்கவிதை விளக்கமளிக்கிறது.

வாழ்க வளமுடன்.

-----

Present by:

-

Thanks to Image by: pixfeeds.com