The planet will do good!

கிரகம் நல்லதே செய்யும்!

சூரியன் எலும்பை ஊக்கும்

புதன் தோலை போர்த்தும்

சுக்கிரன் ஜீவசக்தி சிறக்கும்

சந்திரன் ரத்தம் சுழலவைக்கும்

செவ்வாய் மஜ்ஜை திரட்டும்

குரு மூளைச்செல் இயக்கும்

சனி நரம்புகளை துடிக்கும்

ராகுகேது ஓஜஸ் ஏற்றும்

இச்செயலெலாம் இயற்கை வழியே!

ஏற்றமும் உன் செயலாலே,

இறக்கமும் உன் செயலாலே.

எண்ணம் சொல் செயல்திருத்தி,

பிறர்நீயென கருதி வாழநலம்!

விளக்கம்:

உயிரின பரிணாமம் என்பதை கவனத்தில் கொண்டு ஆராய்ந்தால், இந்த பிரபஞ்சத்தில் உள்ள சக்தி துணையாக உள்ளது என்பதை அறியலாம். மேலும், சூரியன் கொண்டு, அக்குடும்பத்தில் உள்ள எல்லா கோள்களும், உயிர், உடல், மனம் கட்டியதில் துணை நிற்கின்றன. இதை நிகழ்த்தியது யார்? நிகழ்த்திக் கொண்டிருப்பது யார்? இறையே ஆகும். இயற்கை வழி நின்று நடத்தும் இறையின் செயல்.

இந்த கிரகங்களின் இயல்பை கெடுப்பது, ஏற்றம் இறக்கம் தருவது நாம் தான். நம்முடைய எண்ணம், சொல், செயல் இவற்றை ஒழுங்குபடுத்திக் கொள்வதின் மூலமாக சரி செய்யலாம். அதோடு முக்கியமாக, பிறர் நலம் விரும்பியே நம் செயல்கள் இருக்க வேண்டும் என்று இந்தக்கவிதை நமக்கு அறிவுறுத்துகிறது.

வாழ்க வளமுடன்

----

Present by:

Thanks to Image by: britannica