Dark and light as Diwali

இருளும் ஒளியும் தீபாவளி!

இருளும் ஒளியும் நிறைந்ததுவே

உலகில் உயிர்கள் வாழ்க்கை

பிரபஞ்சம் எங்கும் இதுவேநிலை

இருளாய் இருந்ததுவே ஒளியானது

ஒளியான எல்லாம் இருளாகுமே!

இருளை இறையாகக் கொள்வாய்,

ஒளியை உயிராகக் கொள்வாய்!

இருளும் ஒளியும் ஒருசேரஇணைந்து

இருந்து வந்துபோன விதமறிவாயே!

விளக்கம்:

இந்த உலகில் வாழும் எல்லா உயிர்களுக்கும், இரவும் பகலும் பொதுவானது. சொல்லபோனால், இந்த பிரபஞ்சம் முழுதுமே இருளும் ஒளியும் கலந்துதான் இருக்கிறது. ஒளி எங்கிருந்து வந்தது என்றால் இருளின் வெளிப்பாடே, ஒளி ஆகும். என்றாவது ஒருநாளில், அந்த ஒளியே இருளாகவும் மாறிவிடும்.

இந்த இருளை இறையாக பொருள்மாற்றம் கொண்டால், ஒளியை உயிராக, இயக்கமாக கொள்ளலாம். இப்படி கருத்து மாற்றம் கொள்வது நமக்கு ஒரு விளக்கத்தைக் கொடுக்கும். இந்த வழியில், இருளும், ஒளியும் இணைந்தே இருப்பதையும், அவை இரண்டும் வந்து போவதையும் நாம் அறிந்துகொண்டால், உண்மை விளங்கும் என்று இக்கவிதை நமக்கு விளக்கம் அளிக்கிறது. 

வாழ்க வளமுடன்.

-----

Present by:

Thanks to Image by: adcolony