Do not Give up!

 இழக்காது காத்திரு!

ஆற்றலுள்ள இளமைக் காலத்தில்

ஆர்பரிக்கும் அடக்க சக்திகளெழும்

உடலின்பம் மிகையே அனுபவிக்கும்

ஆட்டமடங்கும் பம்பரம் போலவே

வீழ்ந்துமறுநாள் எழுவார் இதுதினமே!

இயல்பென்றே கூறுவார் அதுபொதுவே!

எனினுமிந்த இன்பம் நிலைக்காததே

எதுஅந்த,நிலை இன்பம் எனஅறியவே

ஆர்வம்கொள்க, அளவுமுறை கண்டுய்க்க

இன்பமேமீறி துன்பம் ஏழாதிருக்கவழியே!

விளக்கம்:

பதின்ம வயதுகளில், உடலும் உள்ளமும் பூரித்து எழுவது இயற்கையே. 11 வயது முதல் 20 வயதுவரை உடலின்பங்களில் ஆர்வம் எழும். பொழுதுபோக்கு, வேடிக்கை, சினிமா, கணிணி, கைபேசி, அதில் வரும் விளையாட்டு, எதிர்பாலின கவர்ச்சி, உணவு இப்படியாக பல தேர்வுகளில் மனம் சிக்கி, அடிமையாகும் தன்மை உண்டாகும். உடலும் மனமும் சோர்ந்துபோனாலும், மீண்டும் மறுநாள் அதே தொடரும். இதில் சிக்கிடாமலும் இளைஞர்கள் இருக்க வேண்டும். சிக்க விடாமல் பெற்றோர், தங்கள் பிள்ளைகளை காத்துக்கொள்ள வேண்டும்.

இயற்கையின் இயல்பூக்கத்தில், வளர் பருவம் இதுவே. இந்தக் காலத்தை மிகச்சரியாக, எது உண்மை இன்பம், எது துன்பம், எது மனதை, உடலை கெடுக்கிறது? என்ற விளக்கத்தை பெற்றுக்கொள்ள தயாராக வேண்டும்.

இன்பம் வேண்டும், இன்பம் வேண்டும் என்றே சிக்கி, அளவு முறை மீறி, துன்பத்தில் சிக்கிக்கொள்ளக் கூடாது. முக்கியமாக பால் கவர்ச்சியில் மிகுந்த விழிப்புணர்வு தேவைப்படுகிறது. சிறுவனோ, சிறுமியோ கற்பு நோக்கோடு பழக வேண்டியது அவசியம். இல்லாதுபோனால் அவர்களின் எதிர்காலம் பாதிக்கும். இதை, ஆசையால் மீறுபவர்கள், தங்களை உயிரை மாய்த்துக்கொள்வதை நாம் நிறைய காண்கிறோம். எனவே விழிப்பாய் இருக்க வேண்டும். பால்கவர்ச்சியை கவனமாக கடக்க வேண்டும்.

பெறுகின்ற இன்பம் எதுவானாலும் தவறில்லைதான், ஆனால் அதில் ஓர் அளவு, முறை வைத்துக்கொண்டால், உண்மையான, நிலையான இன்பம் எது என்ற விழிப்புணர்வு ஏற்படும். அது நம்முடைய வாழ்நாள் முழுவதும் நிலைத்து நமக்கு உதவும் என்பது உறுதி. இத்தகைய உண்மை விளக்கத்தை இக்கவி பதின்ம வயதினருக்கும், இளையர்களுக்கும் தெரியப்படுத்துகிறது. 

வாழ்க வளமுடன். 

-----

Present by: