Don't believe!

 வேண்டாம் நம்பிக்கை!

காலம் காலமாக இருந்துவந்த

நம்பிக்கை அகற்றி எதுஉண்மை

தெய்வம் என்றே அறிந்திடவே

விருப்பம் கொள்வீர். அகற்றிடுவீர்,

இருந்துவந்த எல்லா நம்பிக்கையும்.

பொய்யும் புரட்டும் அதிசயமும்

தேவையில்லை கட்டுக் கதைகள்.

இருக்கின்ற வாழ்வை எளிதாக்கலாம்,

எளிமையாக தெய்வம் உணரலாம்,

அறிவாய் இருப்பதை கடந்துள்ளே!

விளக்கம்:

மக்களையும், மதத் தலைவர்களையும், அறிஞர்களையும் ஒன்று கூட்டி, தெய்வம் என்றால் என்ன? அவை ஒன்றா? பலவா? என்று கேட்டு அவர்களை, ஒரே முடிவான தெய்வம் எது என்று உணர வழி செய்ய வேண்டும் என்று குரு மகான் வேதாத்திரி மகரிசி சொல்லுகிறார்.

தெய்வம் என்ற நம்பிக்கைத்தான் பலவாறாக நம்மிடம் இருக்கிறதே தவிர “எது தெய்வம்?” என்று அறுதியிட்டு கூற முடிவதில்லை. இவைபோக கடவுளைப் பற்றிய கதைகள், தோற்றங்கள், அதிசய நிகழ்வுகள், மாயாஜாலங்கள் இப்படி பொய்யும் புரட்டுமான கட்டுக்கதைகள் நிறைய உலகெங்கிலும் இருக்கின்றன. இவையெல்லாம் இனி தேவையில்லை.

எது தெய்வம் என்பதை “அகத்தவம்” மூலமே எல்லோரும் அறியலாம், அதன் விளைவால் இருக்கிற வாழ்வை மிக எளிதாக்கலாம். தெய்வம் என்ற நிலையில் பயமோ,  நம்பிக்கையோ வேண்டியதில்லை. “அறிவே தெய்வம்” என்ற மகத்தான உண்மையை, கடந்து உள்ளே அறியலாம் என்று இந்தக்கவிதை இறை, கடவுள், தெய்வம் உண்மை விளக்குகிறது. 

வாழ்க வளமுடன்

-----

Present by: