Let's prevention!

 வேகம் தடுப்போம்!

உயிரின் இயல்பான வேகத்தில்

மலர்வதே சுகமானது மனதிற்கு

இயல்புமீற உயிரும் பாதிக்கும்.

கவலை என்பது அதிலொன்று,

சினம் என்பது மற்றொன்று.

ஒழித்துத் தவிர்த்திட இனிதே!

எவ்வழி என்றே குழப்பமில்லை,

ஆசைஅதை முறைபடி தெளிவீர்!  

விளக்கம்:

மனிதன் என்றாலே மனம்+இதன்=மனிதன் என்பதாகிறது. இதமான மனதைக் கொண்டவனே மனிதன் எனலாம். ஆனால் வாழ்வில் ஒவ்வொரு மனிதரின் மனமும் களங்கமுற்று பலவழிகளில் சிதைவுற்று இருக்கிறது. பேராசை, சினம், கவலை, வஞ்சம் இவற்றில் சிக்கித் தவிக்கிறது. இந்த நிலைகளில் மனம் தன் இயல்பை மீறி சக்தி இழந்து, நம் உயிருக்கும் துன்பம் விளைவிக்கிறது.

உயிரின் வேகத்தோடு ஒத்துமையாக இயங்குவதன் மூலமே மனமும் இயல்பாக, இன்பமாக இருக்கும். மீறினால் மனம், உடல், உயிர் என்ற அமைப்பை கெடுக்கும் என்பதை புரிந்துகொள்ள வேண்டும். அதிலும் சினமும், கவலையும் முக்கியமானவை.

சினம் தவிர்த்திடவும், கவலை ஒழித்திடவும் வழி உண்டா எனக்கேட்டால், நமக்கு எழும் ஆசைகளின் அளவு, முறை அறிந்து அதன்படி வாழ்வில் நடந்திட வேண்டும். இத்தகைய விளக்கத்தை இந்தக்கவி நமக்கு வழங்குகிறது.

வாழ்க வளமுடன்.

-----

Present by:

Thanks to Image by: internet source