View from here and beyond!

இருந்தும் கடந்தும் காண்க!

புலனைந்தால் காணும் நிலைவேறு

ஐம்புலனற்று காணும் நிலைவேறு

புலனைந்தும் எழுச்சி நிலைமயக்கம்

புலனைந்தும் வீழ்ச்சி நிலைஅறிவாம்

புலனைந்தால் கற்பது அறிவேன்றே

புவிவாழும் மனிதர்கள் சிக்கினார்

புலம்பெயர்ந்தார் எதுஅறிவென அறிவதில்!

புலனைந்தைக் கடக்க அகத்தவமே

புவியில்வேறு வழியில்லை அறிவுணரவே!

விளக்கம்:

எது அறிவு என்ற கேள்விக்கு கற்பதே அறிவு என்று இந்த உலகில் வாழும் நாம் முடிவு செய்துவிட்டோம். அதையே இனிவரும் குழந்தைகளுக்கும் சொல்லிக் கொடுக்கப் படுகிறது. கற்பதற்கு முன்னால் இருக்கும் நிலையென்ன? மறந்துவிட்டோம்.

பிறந்த சிசுவை, பெற்ற தாய், தன் வெற்று மார்பில் இறுக்கி கிடத்திட்டால், அச்சிசு தானாகவே பால் அருந்துகிறதே? அது அறிவு நிலை இல்லையா?

எனவே நம்முடைய, ஐந்து புலன்களால் அனுபவங்களை பெற்று, கற்றுக்கொள்வதை மட்டும் அறிவு என்று சொல்லுவது தவறு. புலன்களை கடந்து உணரும் நிலையே உண்மை அறிவு. அதைத்தான் “அறிவே தெய்வம்” ஞானியர்கள் குறிப்பிடுகிறார்கள். குரு மகான் வேதாத்திரி மகரிசி அவர்களே, உலகுக்கு எளிமையாக வகைப்படுத்தவும் செய்தார்.

புலன் கடந்த அறிவை உணர என்ன செய்யவேண்டும்? அகத்தவம் மட்டுமே உதவும். இந்த உண்மை தெரிந்துகொள்ளாமல், உலகமக்கள் வெகுதூரம் விலகிவிட்டார்கள், அவர்கள் இனி, எது அறிவு என்பதை உணரவேண்டும். அவ்விளக்கம் பெற்றுவிட்டால், “எது தெய்வம்?” என்பதும் புரிந்துவிடும், என்ற உண்மையினை இக்கவி விளக்குகிறது.

வாழ்க வளமுடன். 

-----