Yoga is the way to avoid!

தவிர்க்கும் வழியே யோகம்!

விழுவதே அறியாமல் கீழேநீ

விழுந்து கொண்டே இருக்கிறாய்,

உடலோடு உயிரும் ஜீவசக்தியும்

மிகையாக இருக்கும் மட்டும்!

இளமையில் ஈதொன்றும் குறையாகா!

எனினும் இதேபழக்கிட தொடர்ந்தால்

வரும்வாழ் நாள்லெலாம் துன்பமே!

தவிர்க்கும்வழி துணையாக யோகமே! 

விளக்கம்:

ஆசான் திருவள்ளுவர், உலகில் ஒரு நாள் என்பது என்ன? என்ற கேள்விக்கு, உயிரை அரிக்கும் வாள் என்று சொல்லியுள்ளார். ஓவ்வொரு நாளும் நம் உயிர் கரைந்துகொண்டே இருக்கிறது. நமக்கு தெரிவதில்லை. அறிய முயற்சிப்பதில்லை.

இன்னொரு உதாரணமாக நாம் விழுந்துகொண்டே இருக்கிறோம். அதையும் நாம் உணர்வதில்லை. உடல், உயிர், ஜீவ சக்தி இவை உயிர்ப்பாக, மிகையாக இருக்கும் வரை இது, நமக்கு உணர்வுக்கு வருவதில்லை. இன்பம் வேண்டும் என்றே செயல்பட்டுக் கொண்டு இருக்கிறோம்.

இளமைக்காலத்தில் இது குறையாக சொல்லமுடியாது. மிகையாக இருப்பது செலவானால் நல்லதுதானே?! ஆனால் இதே பழக்கம் ஆகிவிட்டால், இருப்பல்லவா செலவாகும்? அப்போது துன்பம் வருமே?! இதை தவிர்த்திட வழி உண்டா?

உண்டு, வாழ்வின் இறுதி காலம் வரை, நிறைவான இன்பத்தில் வாழ, துணையாக இருந்து உதவுவது “யோகம்” மட்டுமே என்று இந்தக்கவி யோகத்தின் சிறப்பை நமக்கு விளக்குகிறது. 

வாழ்க வளமுடன்

-----

Present by:

Thanks to Image by: internet source