There is Natural Justice!

 இயற்கை நீதி உண்டு!

தன்னைபோல பிறர்நலம் காத்தலும்

கொடுத்தால் கிடைக்கும் என்பதுவும்

உழைத்தால் கிடைக்கும் என்பதுவும்

முழுமைஆக கிடைக்கும் என்பதுவும்

இயற்கையின் சட்டதிட்டம் சத்தியம்!

தான்கொடுக்க மறுத்துப் பறித்தலும்

தான்உழைக்க மறுத்துப் பிறர்சார்தலும்

தன்னைதிருத்த இடம் கொடாதிருத்தலும்

சுயலநலமாய் தான்மட்டும் வாழ்தலும்

தான்தன்வாரிசும் கெடவே கேடாகும்!

விளக்கம்:

இந்த உலகில் பிறந்த மனிதர்களின் வாழ்க்கைப் போக்கு, அதாவது வழிமுறைகள், ஓவ்வொரு தலைமுறையிலும் மாறிக்கொண்டே வருகிறது. ஆனாலும் தான், தனது என்ற நிலையில் வாழும் மனிதர்கள் அப்படியேதான் இருக்கிறார்கள் என்று சொல்லலாம். தலைமுறை மாறியிருக்கலாம், மனிதர் மன நிலை மாறவே இல்லை. 

கொலை செய்தல், அடுத்தவரின் வாழும் சுந்திரத்தை பற்றித்தல், கொள்ளையடித்தல், தன்நலம் சார்ந்து வாழ்தல் என்பது தொடர்கதைதான். ஆனால் இவர்களுக்கு தண்டனை கிடைப்பதில்லையா? என்று பொதுவாக கேள்வி எழும். அதை இந்த இயற்கை நிச்சயம் வழங்கும். வெளிப்பார்வைக்கு அவர்கள், நன்றாக, செல்வாக்கோடு, பேரும் புகழோடும் வாழ்வதாக இருக்கும். ஆனால் உண்மை அவர்களுக்கே தெரியும். 

பிறர்நலம் காப்பதும், கொடுத்து வாங்குதலும், உழைத்து ஈட்டுவதும், தன்னை திருத்தி முழுமையாக்குவதுமே இயற்கையின் செயல் விளைவி நீதியாகும். இதற்கு மாறாக வாழ்பவர்களுக்கு, இயற்கையே மறவாது தண்டனை வழங்கும். இத் தண்டனையில் இருந்து, தவறு செய்த மனிதரோ, அவரின் வாரீசுகளோ கூட தப்ப முடியாது, அவர்களின் வாழ்க்கையே கெடும் என்று இக்கவிதை உண்மை விளக்கம் கூறுகிறது.

வாழ்க வளமுடன்.

-----

Present by: