Birth to know you!

 உன்னை அறியவே பிறப்பு!

உடலோடு முன்னம் உயிராக இருந்தும்

உண்மை அதையறிய தவற விட்டீர்

மீண்டும் ஒருமுறை இயற்கை வாய்ப்பு

முந்தைய அனுபவம் சேர்த்துத் தந்தே!

அந்தோ பரிதாபம் மறுபடி மறுத்தீர்

கிடைத்த இந்தப் பிறவியும் வீணாகிட!

சலிக்காத இயற்கை மீண்டும் மீண்டும்

பிறப்பு தந்தென்ன உன்னை அறிந்திடாமல்!

விளக்கம்:

ஒரு மனிதனுக்கு இந்த புவியில் பிறப்பு ஏன் நிகழ்கிறது? ஏதாவது காரணம் இருக்கிறதா என்ன? யாரிடம் கேட்டாலும் பதில் கிடைக்காது. ஆனால் இரு மகானிடம், ஞானியிடம், சித்தரிடம் கேட்டால் மிகச்சரியான பதில் கிடைக்கும். “உன்னை அறியவே நீ பிறந்தாய்” என்பதுதான் அந்த பதில்.

ஆனால் மக்களில் பலர் இதன் உன்மையை ஏற்றுக்கொள்வார்களா? நான் யாரென்றுதான் எனக்கு தெரியுமே? இதில் என்ன புதிதாக இருக்கிறது என்பார்கள். ஆனால் உண்மை அப்படியல்ல. ஒரு பிறவியில் அதை அறிந்துகொள்ள மறுத்தால், மறந்தால், இந்த உயிர் வீணாகி விடுகிறது. ஆனால் நம் தொடர்ச்சியாக நமக்கு பிள்ளைகள் வந்து விடுகிறார்கள். அந்த பிள்ளைகளும் “நான் யார்?” என்பதை அறிவதற்கு ஆர்வமில்லாமல் வாழ்ந்தாலும், அவர்களுக்கும் வாரீசு உண்டாகும். ஆனால் இப்படி பிறவி நீண்டுகொண்டே இருந்து என்ன பிரயோஜனம்? இயற்கை மீண்டும் மீண்டும் பிறப்பு கொடுத்தும் பயன்படுத்திக்கொள்ளாமல் இருக்கலாமா? என்று சிந்தனையை தூண்டி விளக்கம் அளிக்கிறது இந்தக்கவிதை!

வாழ்க வளமுடன்.

------

Present by: