Don't hesitate!

 தயக்கம் வேண்டாம்!

கடவுளை தேடித்தேடி காலம் வீண்வேண்டா

தன்உடலை கெடுக்கும் விரதம் ஏதும்வேண்டா

மலையுச்சி பள்ளத்தாக்கு ஏறி இறங்கவேண்டா

அடிநடத்தல் தனைஉருட்டும் கடினம் வேண்டா

உன்உள்ளே கடவெளியே தேடுதல் வேண்டா

தன்னை அறிந்து மெய்யுணர தயக்கம்வேண்டா!

விளக்கம்:

கடவுளை தேடுகிறேன், கடவுளிடம் வேண்டுதல் வைத்திருக்கிறேன், கடவுளிடம் கோரிக்கை வைக்கப்போகிறேன் என்றே பலவிதமாக, எங்கெங்கோ, யார் யாரோ சொன்ன, கேள்விப்பட்ட இடங்களுக்கு எல்லாம் சென்று வழிபட தயாராகிறார்கள். விரதம் அது, இது என்று  தன் உடலை வருத்திக் கொள்கிறார்கள். மலைஉச்சி காணப்போகிறேன், பள்ளத்தாக்கில் இருக்கும் வழிபாட்டு தலம் போகிறேன், என்று கஷ்டபட்டு, ஏற்றுக்கொள்ள முடியாத கால சூழ்நிலைகளிலும் கடவுளை தேடுகிறார்கள்.

கால் நடையாகவே, கடவுளை காண வருகிறேன் என்று வேண்டிக் கொள்கிறார்கள். அடிமேலடி எடுத்து நடக்கிறார்கள். இல்லையேல் அங்கப்பிரதஷ்ணமாக கோவிலை சுற்றி வருகிறேன் என்கிறார்கள். இப்படியான கடினமான செய்கைகளை பக்தியா நினைத்து ஏற்று தன்னை மறந்து செய்துகொண்டு வருகிறார்கள்.

தனக்குள்ளே இருக்கும் ஒன்றை, வெளியே தேடினால் கிடைப்பதெப்போது? கடந்து உள்ளே சென்று தன்னை அறிந்து மெய் உணர்வதற்கு இன்னும் தயக்கம் ஏன்? என்று இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: