Everything is in mind!

 எல்லாம் மனதில் இருக்கு!

எல்லோரும் உலகில் இனிதே வாழ 

விரும்பி தேவை நிறைவுற உழைத்து

பணம் கொடுத்து பொருள் பெற்றும்

பற்றாக் குறையே வந்திட கண்டோம்

நிறைவும் குறையும் மனிதில் இருக்கும்

உண்மை அதுஉணர போதுமே என்றும்!

விளக்கம்: 

இந்த உலகில் பிறந்த ஓவ்வொரு மனிதருக்கும் இருக்கக்கூடிய அடிப்படை ஆசை, இனிதாய் வாழவேண்டும், மகிழ்வாக இருக்க வேண்டும், விரும்பும் தேவைகளை எல்லாம் அடைந்து பெற்று உயர்ந்த வாழ்க்கை வாழ வேண்டும் என்று விரும்புவார்கள். அதற்காகவே, அந்த தேவைகளை நிறைவேற்றவே உழைத்து, தொழில் செய்து பொருளீட்டுவார்கள். அந்த பணத்தின் மூலமாக தங்களுக்கு தேவையான வீடு, பொருட்கள் வாங்கி, வசதிகளை ஏற்படுத்திக் கொள்வார்கள். 

ஆனாலும் கூட பற்றாக்குறையாகவே கருதுவார்கள். இன்னமும் எதோ குறைகிறதே என்று வருத்தத்தில் இருப்பார்கள். இருக்கும் சந்தோசத்தையும் இழந்துவிடுவார்கள். இதன் காரணம் என்ன? இதில் உண்மை இருக்கிறதா? நிறைவும், குறையும் ஓவ்வொருவர் மனதில்தான் இருக்கிறது. எனவே மனதில் இருக்கக்கூடிய அந்த குறையை சரி செய்ய உண்மை உணர்ந்தால், இருப்பதே நிறைவாக இருக்க காணலாம். வாழ்வும் மகிழ்வாக இருக்கும் என்பதே உண்மை என்பதை இந்தக்கவிதை விளக்கம் தருகிறது.

வாழ்க வளமுடன்

-----

Present by: