Nature's help to feel the God!

இறை உணர இயற்கையின் உதவி!

பூவுலகில் எங்கிலும் வாழும் மக்களுக்கும்

எப்படியும் வாழ்வின் உண்மை தத்துவம்

சென்று சேர்ந்து உயர்த்திடும் மகான்களால்!

போலியாய் கட்டுக்கதை பின்னும் சிலரின்

தத்துவம் அறவேஒழியும் உண்மைக்கு முன்னே!

பெரும்பான்மை ஏற்ப இயற்கையும் வழிதரும்,

ஏதும்தவறாது காலத்தால் நிலைத்து நிற்கும்

உண்மைஇறை எதுவென உணர்ந்தே சிறக்கும்!

விளக்கம்:

கடந்த மூன்று நாட்களுக்கு முன்(ஜனவரி 22’ 2022), வியட்நாம் நாட்டில் உள்ள, புத்த மத்த தலைமை துறவி, ஸென் மாஸ்டர், திக் நியாட் ஹன் அவர்கள் காலமானார். உலக சமாதனத்திற்கும், மனிதர்களின் அமைதி வாழ்வுக்கும் தொண்டாற்றி வந்தார். பெரும் இளைய துறவிகளுக்கு முன்மாதிரியாக இருக்கிறார். உலகமெங்கும், அவரின் தத்துவங்கள், உடல்விட்ட பிறகு முன்னெப்போதையும் விட அதிகமாக பரவி வருகின்றன. அதில் முழுமையான உண்மைகள் நிறைந்திருக்கின்றன. 

எனவே எப்படியும், ஏதேனும் குரு, துறவி, மகான் உண்மைகளை மக்களுக்கு தந்துகொண்டுதான் இருக்கிறார்கள். ஏற்றுக்கொள்ளும் மக்கள், அதன் வழி நடந்து தங்களை உயர்த்திக்கொண்டு, துன்பமில்லாத, விழிப்புணர்வான வாழ்க்கை வாழ்கிறார்கள்.

இந்த துறவிகளுக்கு கிடைக்கும் பெருமைகளை, சிதைக்கவும், தங்களின் பொய்யான தத்துவத்தை மக்களிடம் பரப்பி, தங்கள் செல்வாக்கை உயர்த்திக் கொள்ளவும், பலர் முயற்சிக்கிறார்கள். எனினும் உண்மைக்கு முன்னால், இவர்களின் போலி தத்துவம் நிற்காமல் அழிந்துவிடும் என்பதே உண்மை. காலத்தின் வரலாறும் அப்படியே! உண்மை எது? என்பதில் இயற்கையும் அறிந்து நிலைக்கவைக்க உதவுகிறது. அந்த நிலையில்தான், உண்மையான இறை தத்துவம் மக்களிடையே பரவி நிலைத்து, அந்த மக்களின் வாழ்க்கை சிறந்ததாக அமையும் என்று இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: