The Mind and Nature is this man!

 மனம் இதனான மனிதன்!

இயல்பாக இருக்கும் உண்மை எவரும்

அறிந்து கொண்டால் யோகம் பக்தி

எதுவும் தேவையில்லை ஞானியின் உரை,

பக்திக்கு புராண கட்டுக்கதை இல்லை!

வேதாந்தம் சித்தாந்தம் தேவையும் ஏனோ?

உண்மை எதுவோ அதுவே வெட்டவெளி

தனக்கும் பிறருக்கும் தீங்காகிடாத செயல்

மேற்கொண்டு வாழஅதுவே மனம்இதனாம்!

விளக்கம்:

உலகில் மனிதனின் வரலாறு, மரபணுச் சான்றுகளின்படித் தற்கால மனித இனம் சுமார் 200,000 ஆண்டுகளுக்குமுன், ஆப்பிரிக்காவில் தோன்றியதாகக் கருதப்படுகின்றது. (ஆதாரம். விக்கிபீடியா) இந்த இரண்டு லட்சம் ஆண்டுக்கு முன், யோகம் இருந்ததா இல்லை, பக்தி வழிபாடு இருந்ததா இல்லை. கடவுளும் இல்லை, இறையும் இல்லை. அப்படியான தேவையும் அவனுக்கு ஏற்படவில்லை. ஏன்? மனிதன் ஒரு மிருகத்தைப்போல பிற உயிர் கொன்று வேட்டையாடி வாழ்ந்தான். 

ஆனால் அவனின் சிந்தனை, இயற்கையை ஒட்டி நாள்தோறும் வளர தன் வாழ்வை, செம்மை செய்து கொண்டான். ஆனாலும் முற்றிலுமாக அல்ல. அவ்வழியே உயர்ந்த அறிவின் வழியாக சித்தர்கள் உயிரின் மூலம் அறிந்து இறை உண்மை அறிந்தார்கள். சித்தர்கள் இறை வணக்கத்தை ஏற்றார்கள், ஆனால் பக்தி வளர்க்கவில்லை. ஏனையோர் மக்களை ஏமாற்ற பக்தி என்பதை உருவாக்கி, சொர்க்கம், நரகம், இறையின் மனித பிறப்பு, அதையொட்டிய புராண இதிகாச கட்டுக்கதை (ஒன்றை வளர்க்க அதோடு புனைவதே கட்டுக்கதை) கட்டினார்கள். சித்தர்கள் தந்தது சித்தாந்தம், பக்தி மார்க்கம் தந்தது வேதாந்தம்.

ஒரு மனிதன் தன் வரலாற்றின் உண்மை அறிந்து, தன் செயல்களினால், தனக்கும், பிறருக்கும் தீங்கு எழாதவாறு வாழ்ந்தாலே போதுமானது அதுதான் மனம்+இதன்=மனிதன் என்பதாகும். இந்த உண்மை உணர்ந்து வாழ்ந்தால், அவனுக்கு யோகம், பக்தி தேவையில்லை. 

மேலும், துன்பப்படுவோருக்கு தன்னாலான உதவி செய்து வாழ்தலும் முக்கியமானதாகும் என்பதாக இந்தக்கவிதை உண்மை விளக்கம் தருகிறது

வாழ்க வளமுடன்

-----

Present by: