Body and Worship

 உடலும் இறைவழிபாடும்

உடலிருக்கும் வரைதான் உலகம் உனக்கு

சொந்தமாம் உண்மை இதை உணர்ந்து

இயற்கை உனக்கு தந்தபரிசான உடலை

சிதைக்காமல் காத்து வருதல் உன்கடமை!

உடலோடு மனமுயிர் இணைப்பை எந்நாளும்

பிணக்கின்றி வாழ்ந்திட அதுஇறை வழிபாடு!

விளக்கம்:

நாம் இந்த உலகில் பிறந்தோம். நாம் உடலாகவே வளரும் பருவத்தில் நினைத்தோம். ஆனால் நாம் குழந்தையாக இருந்து, வயோதிகம் வரை உடல் மாறிக்கொண்டே வருகிறது. ஆனால் நாம் ஒரே மாதிரியாக இருப்பதை உணர்கிறோம். அப்படியானல் நாம் வேறு, உடல் வேறா என்ற சிந்தனை எழுகிறது அல்லவா?

மேலும், இந்த உடல் உயிர்ப்போடு இருக்கும் வரைதான் இந்த உலகில் வாழ முடியும். அதுவரைதான் நாம் இந்த உடலையும் சொந்தம் கொண்டாட முடியும். இந்த உடலை தந்தது யார்? இயற்கையின் பரிசு அல்லவா? அப்படியான இந்த உடலுக்கு சிந்த குறையும் வராது பார்த்துக்கொள்வது நம் கடமை அல்லவா? கர்மேந்திர்யங்களையும், ஞானேந்திரியங்களையும் சரியாக, நன்மை தருமாறு பார்த்துக்கொள்ள வேண்டும். 

இந்த உடலோடு, மனம், உயிர் என்ற இணைப்பில் எந்த பிரச்சனைகளும் எழாமல் பார்த்துக்கொள்ள வேண்டும். மனம் போன போக்கில் உடல் போனால், உடல் சிதையும், வலி, நோய், உறுப்புகள் பாதிப்பு இப்படி மாறி உயிரும் கஷ்டப்படும் அல்லவா? ஆனால் விழிப்புணர்போடு உடலை நலம் காத்து வருதல், இறை வழிபாடுக்கு சமமானது என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்

-----

Present by: