Mindwave oscillation in penance

 தவத்தில் மன அலைச்சுழல்

தவத்தால் மனதை உள்ளே திருப்பி

மனதாலே மனதை நோக்க அமைதி

இறையுணர வாசலின் சாவி இதுவே

தன்னை யாரென்று அறிய வழியே!

மனஅலைச் சுழலோ ஐந்து உண்டு

தவம் செய்ய அதுமூன்றில் நின்றிடும்

தூங்காமல் தூங்கிட எனும் சொல்லதுவே

துவங்கிற்று உங்கள் இறை தேடலுமே!

விளக்கம்:

தவத்தால் என்ன கிடைக்கிறது என்பதை, தற்கால விஞ்ஞான விளக்கத்தோடு பார்க்கலாமா? மனம் இயங்கிக் கொண்டே இருக்கிறது என்பது நாம் அறிவோம். அதை அடக்கத்தான் படாதபாடு படுகிறோம். ஆனால் எளிதாக அறியமுடியுமே! மனதின் இயக்கம், நவீன அறிவியல் கருவிகளால் “அலைகள்” என்று கணிக்கப்படுகிறது. அந்த அலைகளுக்கு அலை நீளம் உண்டு. அதாவது, ஒரு நொடியில் இத்தனை சுற்று என்பது ஆகும்.

அதன்படி, 1) காமா (40-31) 2) பீட்டா (30-14) 3) ஆல்ஃபா (13-8) 4) தீட்டா (7-4) 5) டெல்டா (3-1) என்ற ஐந்து அலைநீளங்கள் மனதிற்கு உண்டு. ஒரு மனிதனின் இயல்பான நிலை “பீட்டா” ஆகும். மனிதன் தூக்க நிலைக்கு வந்துவிட்டால், அது “ஆல்ஃபா” நிலை ஆகும். 

இந்த “ஆல்ஃபா” நிலை தவத்தில் ஆழ்ந்து பயணிக்கும்பொழுது நமக்கு கிடைத்துவிடுகிறது. பிறகு ஆழ்ந்து செல்லச்செல்ல, நம் மூலமும் உண்மையும் உணரமுடியும். மனதை, தவத்தால் உள்நோக்கி திருப்பி, மனதை மனதால் கவனிக்கிறோம். அங்கே ஒர் அமைதி உண்டாகிறது. இறையுணர்வு பெறுவதற்கான சாவி இதுவே, தன்னை யாரென்று அறிய வழியும் இதுவே!

இந்த உணர்வைத்தான் சித்தர்கள் “தூங்காமல் தூங்கி சுகம் பெறுவது எக்காலம்?” என்று பாடல்களில் குறிப்பிட்டிருக்கிறார்கள் என்பதாக இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: