Penance will also help the family members!

 தவம் வீட்டில் உள்ளவர்க்கும் உதவும்!

தவம் கற்றோர் வீட்டில் ஒருவரெனினும்

குடும்பத்தார் எவருக்கும் நலமே தரும்

தவத்தால் எழும் இனிய அலைச்சூழல்

நாளடைவில் நல்லமைதி மகிழ்வு உண்டு

மனம் நிறைவு பாதுகாப்பு உண்டாகும்

சிந்தனையில் தெளிவு தந்து உயர்த்தும்

வேண்டாத பயம் பதட்டம் போக்கிடும்

நாள்தோறும் தவம் ஆற்ற ஆர்வமாவீர்!

விளக்கம்:

ஒரு குடும்பத்தில், யாரேனும் ஒருவர் தவம் கற்று, தினமும் வீட்டில் அதிகாலை, மாலை என்று தவமாற்றி வந்தால், அவருக்கு மட்டுமல்ல, அந்த குடும்ப உறுப்பினர்களுக்கும் நன்மை கிடைக்கும். அவை என்னென்ன? 

முதலில் குடும்பத்தில் ஓர் அமைதி சூழ்னிலை உருவாகும். மன குழப்பங்களில் ஓர் தெளிவு தரும். அந்த குழப்பங்கள்தான் ஒருவருக்கொருவர் வாய்ச்சண்டை முற்றி பெரும் பிரச்சனை ஆகிறது. இனி அப்படி நிகழ்வது குறையும், நாளடைவில் இல்லாது போய்விடும். ஒருவருக்கிடையே மகிழ்ச்சி பரவும். மன நிறைவு கிட்டும். எல்லோருக்கும் ஒரு துணையாக, பாதுகாப்பா இருப்பதான எண்ணம் உருவாகிவிடும்.

சிந்தனையில் தெளிவு பிறக்கும், தேவையில்லாத பயம், பதட்டம் குறைந்துவிடும். இவை எல்லாமே அக்குடும்பத்தில் ஒருவர், தவம் செய்தாலே கிடைக்கிறது என்பது அதிசயம் தானே! எனவே நாள்தோறும், உற்சாகமாக, தவம் ஆற்றுவதற்கு ஆர்வமாக இருக்கவேண்டும் என்று இந்தக்கவிதை விளக்கம் தருகிறது.

வாழ்க வளமுடன்

-----

p>Present by: