The purpose of being as human born was fulfilled!

பிறந்து வந்ததின் நோக்கம் நிறைவேறியது!

இதுவரையில் புலன் கவர்ச்சியில் நின்ற

மனிதமனம் விழித்து அதைக் கடந்த

உண்மை இன்பம் ஏதுஎன்று ஆராயும்!

குறிக்கோள் மறந்த பிறவி வாழ்க்கையில்

தேடுதல் தவறவிடக் கூடாது என்றேதான்

பிறவிப் பிறவியாக பிறந்து வந்தோம்

இன்றோ குருவின் அருள் தீட்சையால்

உண்மை அறிந்தே அகத்தவம் கற்றோம்!

விளக்கம்:

நமக்கு மேலான, அறிவும், ஆற்றலுமான ஒன்றையே இறை என்று அழைக்கிறோம். இறை தத்துவத்தை ஏற்றுக்கொள்ளாதவர் இயற்கை என்று அழைப்பார். இந்த இறை, இயற்கை தன் பயணத்தில் கண்ட உன்னத பரிணாமமே, மனிதன். தன்னை அறியவே இந்தப் பயணம் பெற்று நிறைவுற்றது என்பது சித்தர்கள் கண்ட உண்மை. குரு மகான் வேதாத்திரி மகரிசியும் இக்கருத்தை வலியுறுத்துகிறார். 

இந்த தன்னை அறிதல் முடியும் வரை, உயிருக்கு முடிவில்லை. இதனால்தான் வாரிசு வழியாக பிறவித்தொடர் நீண்டு கொண்டே செல்கிறது. குறிக்கோள் மறந்த வாழ்க்கை என்றும் சொல்லலாம். புலன்கள் வரையில் இன்பம் கண்டு துய்த்து வாழ்கையில் “இறை” உண்மை தெரிவதில்லை. ஆனால் இந்த இயற்கை, ஒரு மனித பிறப்பை, நீ உணராவிட்டால், உன் பிள்ளை, அவனின் பிள்ளை என்று அடுத்தடுத்த வாய்ப்பு கொடுத்துக் கொண்டே இருக்கிறது. ஆனால் மனிதன் இதை அறிவதில்லை.

எப்படியோ தகுந்த காலத்தில், குருவின் மூலமாக தீட்சை பெற்று, உண்மை அறிந்து அகத்தவம் கற்ற ஆரம்பித்துவிட்டீர்கள். இனி எது புலன் கடந்த உண்மையான இன்பம் என்பதும் அறியலாம். பிறவித்தொடரின் வினையை பூர்த்தி செய்யலாம். தன்னை அறியலாம், இறை என்பது என்ன என்பதையும் அறியலாம் என்று இந்தக்கவிதை உண்மை விளக்கம் அளிக்கிறது.

வாழ்க வளமுடன்.

-----

Present by: