The Siddhars Kundalini Meditation in Today Times

 சித்தர்களின் அகத்தவம் இன்றும்!

சித்தென்ற உயிரின் உண்மை அறிந்தே

சித்தர்கள் மற்றெல்ல உயிரும் உய்யவே

ஈகையாய் தந்ததே அகத்தவம் ஆகும்!

காலத்தால் திருத்தி எளியவழி தவமே

வேதாத்திரி நமக்கு தந்தது அறிவோம்!

மூச்சடக்கி சூடாக்கி குண்டலி உயர்த்தும்

யோகமல்ல தொட்டே உயர்த்தி ஆக்ஞை!

கற்றுணர பேதமில்லை ஆர்வம் போதும்!

விளக்கம்:

சத் சித் அனந்தம் என்பது இறை உணர்ந்த சித்தர்களின் பேரின்ப வாக்கு. சத் என்கிற தெய்வத் தன்மையோடு,  சித் என்ற உயிரை இணைத்தால் கிடைப்பது, அனந்தம் என்கிற இரண்டு அற்ற நிலை என்பது இதன் பொருளாகும். சித்தர்கள் மனதை அறிந்து, அதன் வழியாக உயிரை அறிந்து, உயிருக்குள்ளாக அறிவாக இருக்கிற தெய்வத்தையும் அறிந்தார்கள். அதனாலேயே அவர்கள் சித்தர் என்றழைக்கப்பட்டனர்.

சித்தர்களின் வாழ்வியலில், ஒழுக்கம், கடமை, ஈகை என்ற மூன்றை வலியுறுத்தினார்கள். அந்த ஈகையின் வழியாகவே, தெய்வத்தை அறியும் முறைகளையும், வழிகளையும் ஆர்வமுள்ள மக்களுக்கு வழங்கினார்கள். அவ்வழியாகவே வளர்ந்த இந்த அகத்தவம், காலத்தால் மாற்றம் பெற்று, இடகலை வழியே மூச்சிழுத்து, சுழுமுனையில் நிறுத்தி, பிங்கலையில் வெளியேற்றும் கடின முறையான “வாசியோகம்” இப்பொழுது இல்லை. பரஞ்சோதி மகானாலும், வேதாத்திரி மகரிசியாலும் மிக எளிமையாக, குண்டலினி சக்தியை தொட்டு மேலேற்றி, ஆக்ஞையில் நிறுத்துதல் வழங்கப்பட்டது. ஒரே நாளில், உடனடியாக கிடைப்பது ஆகும், அக்காலத்தில் இதற்கே 12 ஆண்டுகள் ஆகும்.

இந்த அகத்தவத்தை கற்றுக்கொள்ள என்ன தகுதி? எந்த பேதமும் இல்லை, ஆர்வம் உள்ள எவருமே கற்கலாம். ஆனால் புகை, மது, போதை பழக்கம் உள்ளவர்களுக்கு இல்லை என்பதை வேதாத்திரி மகரிசி சொல்லியுள்ளார். இந்த உண்மைகளை இந்தக்கவிதை விளக்கமாக தருகிறது.

வாழ்க வளமுடன்

-----

Present by: