There is no spiritual liberation!

 ஆன்ம விடுதலை இல்லையே!

இயற்கை நீதிவழி வாழும் உயிர்களுக்கு

தானாக எல்லாம் கிடைக்கும் வழியுண்டு

உலகில் சிலரே இவ்வுண்மை தெரிவார்!

தான்தனது எனும் தன்முனைப்பின் வழி

வாழும் மனிதர் நீதிதவறி தனக்குத்தானே

துன்பம் வரவழைத்து பிறவிச்சுமை ஏற்பர்!

வாழும் காலத்தில் பிறர்புகழ வாழ்ந்தாலும்

ஆன்மாவுக்கு விடுதலை ஏது? துன்பமே!

விளக்கம்:

இந்த உலகம் எல்லா உயிர்களுக்கும் பொதுவானது. ஒரரறிவு முதல் ஐயறிவு வரையுள்ள அனைத்தும், தன் அறிவால், இந்த இயற்கையோடு, இயற்கையின் நீதி தவறாது வாழ்கின்றன. இவைகளுக்கு தேவையான எல்லாம் காலத்தால், தானாக கிடைக்கும் என்பது உண்மை. மனிதன் ஆறாவது அறிவில் பரிணாமம் பெற்றவன், ஆனாலும் இந்த இயற்கை நீதி என்ற உண்மையை, சிந்தனையில் உயர்ந்த வெகு சிலரே அறிவார்கள்.

பெரும்பாலான மக்கள், தானே உயர்ந்தவன், தன்னை மீறி இந்த உலகில் எந்த உயிரினமும் இல்லை, சக மனிதனும் இல்லை என்ற முரண்பாடான சிந்தனையோடு, தான் தனது என்ற தன்முனைப்பில் வாழ்கிறார்கள். தனக்கே எல்லாம் என்ற நோக்கத்தோடு, தன்னைமட்டுமே உயர்த்திக் கொண்டு வாழ்வார்கள். சமூகத்திலும் பெரிய செல்வாக்கான, மரியாதையான ஆளாக தோற்றம் கொண்டிருப்பார்கள். ஆனால் இது இயற்கை நீதி மீறிய செயல் அல்லவா?

தன்முனைப்பும், பிறரை மதிக்காத வாழ்வும், இயற்கை நீதியற்ற நிலையும் அம்மனிதர்களை உயர்த்துமா? தனக்குத்தானே துன்பம் வந்து, பிறவிச்சுமை அல்லவா கூடும்?!

இத்தகைய மனிதர்கள் இறந்துவிட்டால், அவர்களின் ஆன்மாவுக்கு விடுதலை கிடைக்குமா? அந்த மனிதர்களின் வாரீசுகள் மன நிறைவாக வாழ்ந்திட முடியுமா? துன்பமே வந்துசேரும் என்று இந்தக்கவிதை உண்மை விளக்கம் தருகிறது.

வாழ்க வளமுடன்

-----

Present by: