Wakefulness in sleep!

 தூக்கத்தில் விழிப்பு நிலை!

தவமென்ன என்பதை எளிதில் சொன்னால்

தூக்கத்தில் விழிப்பு நிலைப் பெறுதலாம்

புலனைந்தில் உறுத்தல் ஒன்றை பெற்று

ஆக்கினை நிலையில் உற்று கவனிப்போம்!

ஆண்டுபத் திரண்டு ஆகின அக்காலத்தில்

ஏற்றிய குண்டலினி இறங்கிடா நிலைகருதி

எளியமனிதர் அண்டாகாடு நோக்கி நின்றார்

இக்காலம் அச்சுமை ஏதுமில்லை எளியவழி!

விளக்கம்:

தவம் என்பது என்ன? என்ற கேள்விக்கு எளிமையான பதில், தூக்கத்தில் விழிப்பு நிலை என்பதாகும். நாம் தூங்கினால், நாம் அங்கே இல்லை ஆனால் கனவு வழியாக நாம் இருப்பதாக எண்ணுவோம். கனவு வந்தால், நிறைவாக தூங்கவில்லை என்பதுதான் அர்த்தமாகும். தவத்தில், தூக்க நிலைதான் ஆனால் நாம் கண்மூடி, நினைவில் இருக்கிறோம்.

நம் ஐந்து புலன்களில், கண், காது, சுவை, நாற்றம் இவை அனைத்தும் மூடி, தோல் என்ற உறுத்தல் உணர்வைக் கொண்டு, மூலாதாரத்தில் இருந்து  “தகுந்த குருவால்” உயர்த்திய குண்டலினி சக்தியை, ஆக்ஞை என்ற இருபுருவ மத்தி இடத்தில் கவனிக்கிறோம். அக்காலத்தில் கிட்டத்தட்ட 12 ஆண்டுகள் கடுமையாக “வாசியோகத்தில்” தான் ஆக்ஞை கிடைக்கும். இதற்கிடையில் குடும்ப வாழ்வில் ஈடுபடவும் முடியாது. இதனால் மனிதர் நடமாட்டம் இல்லாத, காடுகளிலும், மலைகளிலும் தவம் செய்துவந்தனர். 

ஆனால் இக்காலத்தில் அத்தகைய கடுமையான முறைகள் இல்லை, எளிய வழியாக தவம் பெறும் முறைகள் வந்துவிட்டன. அதுவே தொட்டுத்தரும் தீட்சை ஆகும். இந்த உண்மைகளை இந்தக்கவிதை விளக்குகிறது.

வாழ்க வளமுடன்

-----

Present by: