Who would it be better to follow?!

 யாரைத் தொடர்ந்தால் நல்லது?!

சிந்தனையில் உயர்ந்த ஞானி நிழலை

தொடர்தல் எவரையும் வாழ்வில் உயர்த்தும்

சகமனிதரின் சிந்தனை ஏற்றுக் கொள்வதும்

தனிமனித வாழ்வில் விளக்கம் தந்திடும்!

பொருள் புகழ் ஆதாயம் கவனம்கொண்டு

தனிமனிதர் அவரின்புகழ்பாடி மந்தையாடாக

பின்தொடர புத்திமனம் உடல் வீணாகும்!

விளக்கம்:

இறை விளக்கம் பெற்ற ஞானியர், குரு இவர்களை ஏற்று, அவர்களின் அறிவுரை ஏற்று வாழ்ந்தால், பொருள்வாழ்விலும், இறை வாழ்விலும் விளக்கமும், உயர்வும் கிடைக்கும். மனதிலும் தெளிவு கிடைக்கும். துன்பம் இல்லாத வாழ்வை வாழமுடியும். மக்களில் சிலர், தங்கள் படிப்பாலும், வாழ்வின் அனுபவங்களாலும், சில நுணுக்கங்களை தருவார்கள், அத்தகைய மனிதர்களை பின்பற்றினாலும், வாழ்வில் உயரலாம் என்பது உண்மை.

ஆனால், முற்றிலும் பொருந்தாத, இயற்கைக்கு முரணாகக் கூட சிந்திக்கும் ஒரு தனி மனிதரை, எல்லைகட்டிய மனநிலை கொண்ட தனி மனிதரை சிலர் பின்பற்றுவார்கள். பின்பற்றுவதின் நோக்கம் என்ன தெரியுமா? தன்னுடைய, பொருள், புகழ், ஆதாயம் இவற்றை உயர்த்திக் கொள்ளவே. இவர்களுக்கு யார் எப்படி போனால் என்ன? நான் நல்லா இருந்தா போதும் என்ற எண்ணத்தில் இருப்பார்கள். ஒருவிதத்தில், ஒரு மந்தை ஆடாக இயங்குவார்கள். இதனால் இவர்களின் புத்தி, மனம், உடல் வீணாகும். வாழ்வில் பெரும் சிக்கலில் சிக்கி வருந்துவார்கள் என்பதாக இந்தக்கவிதை உண்மை விளக்கம் தருகிறது.

வாழ்க வளமுடன்

-----

Present by: