Do you know what meditation is?

 தவம் என்பது என்ன தெரியுமா?

எந்த அலையில் நின்றால் இயற்கை

ரகசியம் எல்லாம் அறிய முடியுமோ

அந்த நிலையளவு ஒன்றி நின்றிட

மனதை பழக்கும் பயிற்சியே தவம்!

இரண்டாகி கண்டு பழகிய வாழ்வில்

தனக்கும் அதற்கும் உள்ள தடையற்று

ஒன்றான அத்வைத தத்துவம் அறிய

ஏற்றதோர் மனஉள பயிற்சி தவம்!

விளக்கம்:

ஒரு உண்மையை நாம் புரிந்து கொள்ள வேண்டுமென்றால், அந்த விசயத்தில், அந்த பொருள் குறித்து, அதன் அடிப்படையில் நாம் ஆய்வு செய்ய வேண்டும். இதை ஆங்கிலத்தில் Understand, Stand Under என்று சொல்வார்கள், அதன் அடிப்படை நிலையில் நின்று என்பதாக அர்த்தம் கொள்ளலாம். இப்பொழுது, இந்த இயற்கை ரகசியத்தை அறிந்துகொள்ள் வேண்டுமானால், அதன் நிலைத்தன்மைக்கு நாம் செல்ல வேண்டும். அப்பொழுது இந்த இயற்கையே தன்னை வெளிப்படுத்தி விடும். அத்தகைய நிலைக்கு மனதை பழக்கும் பயிற்சிதான் தவம்

மேலும், அண்டத்தில் உள்ளது பிண்டத்தில், பிண்டத்தில் உள்ளது அண்டத்தில் என்பது சித்தர்களின் வாக்கு. நவீன மேல்நாட்டு விண்ஞானியர்களும் இதை நிரூபணம் செய்துவிட்டார்கள். ஆனாலும், இந்த பகதி வழிபாட்டு வழியில், இறை வேறு, மனிதன் வேறு, மனிதன் இறையிடம் சரணடைந்து நற்கதி பெறுவதே பிறவியின் நோக்கம் என்றும், இது துவைதம் (இரண்டான நிலை) இல்லை இது விசிஷ்டாத்துவைதம் (இது மூன்றான நிலை) என்றும் சொல்லி வருகின்றனர். ஆதிசங்கரர், இறையேதான் மனிதனாகவும் பிறந்து தன்னை திருத்தி தூய்மை செய்ய வந்திருக்கிறது, இது அத்வைதம் (இரண்டு அற்ற நிலை) என்று சொல்லுகிறார்.

குரு மகான் வேதாத்திரி மகரிசி இந்த மூன்று நிலைக்கும் எப்படி விளக்கம் தருகிறார் என்றால், நமக்கு முன் உணவு (துவைதம்), வயிற்றுக்குள் உணவு (விசிட்டாத்துவைதம்), உணவு நம் உடலில் சத்தாக மாறிய நிலை (அத்துவைதம்).

நாமும் சராசரியான வாழ்வில், இரண்டான நிலையில்தான் இருக்கிறோம். இந்த நிலைக்கான தடை விலக்கி, ஒன்றான நிலை அறிய, மனதை, உள்ளத்தை மேன்மைபடுத்திக்கொள்ள ஏற்ற ஓர் சிறந்த வழியே தவம். என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்

-----

Present by: