Do you know what the mind is?

 மனம் என்பது என்ன தெரியுமா?

மனம் என்பதன் பொருள் பற்றிபேசிட,

அடக்கு மறுத்திரு மறந்திரு விலக்கிடு

என்றும் மனதை தனியாக வைத்தே

இருந்திடு,  கட்டுப்படுத்து ஒருமுகப் படுத்து,

மனமோர் மாயை கண்டு கொள்ளாதே!

என்றே வழிசொல்வர் இன்றும் பலர்பலர்!

எதுவும் நிகழ்வது மனதால் அன்றோ?!

இதில் எங்ஙனம் நீஅகற்றி வைப்பாய்?

மனதை விலகி நின்று பாரென்றால்

பார்ப்பது யாரென்று கேட்டால் பதிலென்ன?

விளக்கம்:

யாரிடமாவது மனம் என்றால் என்ன? என்று கேட்டால், உடனே அவருக்கு தெரிந்ததை சொல்ல ஆரம்பித்து விடுவார். இந்த உலக மாந்தர்களிடம், உண்மைகள் எப்படியோ சென்று சேர்ந்துவிடுகிறது. ஆனால் எல்லாமே அரைகுறையாவே பெற்றிருக்கிறார்கள் என்பதே உண்மை. அதுவே தன்னளாவில் நிஜம் என்றும் நம்புவார்கள். அதை விளக்கம்பெற்றோர் திருத்தினாலும் ஏற்றுக்கொள்ள மறுப்பார்கள்.

மனம் என்பது என்ன தெரியுமா? என்று நம்மிடமே கேள்வி கேட்டு, மனதை அடக்கு, அது எதை கேட்டாலும் உடனே செய்யாதே, மறுத்துவிடு, மனம் இருப்பதை கண்டுகொள்ளாதே, விலக்கிவை, தனியாக வைத்தே பழகு. மனதை கட்டுப்படுத்து இல்லையேல் ஆபத்து. காரியம் ஆகவேண்டுமென்றால் மனதை ஒருமுகப்படுத்து. முக்கியமாக மனம் ஓர் மாயை தெரியுமா? என்று பலர் பல விதங்களில் மனதை பற்றி சொல்வார்கள். இதில் தன்னை மகான், ஞானி, சித்தர் என்று சொல்லிக்கொள்பவர்களும், அப்படியான தரத்தில் மக்களால போற்றப்படுபவர்களும் விதிவிலக்கல்ல. 

மனதை தள்ளி, விலகி நின்று பார் என்று சொல்லுகிறார்களே? அப்படி பார்ப்பது யாராம்? என்று கேட்டால் அதற்கு என்ன பதில் தருவார்கள்? என்பதாக சிந்தனைக் கேள்வியோடு, மனம் குறித்தான கவிதை இங்கே மலர்ந்திருக்கிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: