Mind is dissimilar part of the Spirit

 உயிரின் படர்க்கை நிலையே மனம்

புலன்கள் வழியாக தான் உணர்வதை

மனம் புரிந்து கொண்டு விழிப்படைவது

ஆக்ஞை எனும் தவசாதனையில், மனம்

தன்மலர்ச்சிக்கு மூலமான உயிர் அறிவது

துரிய மென்னும் தவசாதனையில் ஆம்!

வேதாத்திரி சொல்இது உயிரின் படர்க்கை

எதுவோ அந்நிலையே மனம் என்பதாம்.

துரியம் ஆழ்ந்திட இவ்வுண்மை புரிந்திடும்!

விளக்கம்:

யோகத்தில் நாம் கற்ற ஆக்கினை தவத்தில் மனதின் நிலை என்ன? ஒவ்வொரு மனிதனும் தன் ஐந்து புலன்களான, தோல், காது, கண், நாக்கு, மூக்கு இவற்றின் மூலமாகவே அழுத்தம், ஒலி, ஒளி, சுவை, மணம் ஆகிய இன்பம் உணர்கிறான். இந்த இன்பத்தை உணர்ந்து பெற்றுத்தருவது மனம் ஆகும். ஆக்கினை தவம் ஆழ்ந்து செல்லச்செல்ல, மனம் ஐந்து புலன்கள் வழியாக, தான் மயக்கமுற்று இருப்பதை உணர்ந்து விழிப்புணர்வு பெறுகிறது.

துரியம் எனும் தவத்தில் மனம் என்ற உன்னதமான ஒன்று, தன் மலர்ச்சிக்கு, பிறப்புக்கு மூலமான உயிர் ஆற்றலை அறிந்துகொள்கிறது என்பது உண்மை. குருமகான் வேதாத்திரி மகரிசி அவர்கள் “உயிரின் படர்க்கை நிலையே மனம் ஆகும்” என்கிறார். இந்த நிலையை நாம், துரியத்தில் ஆழ்ந்து செல்லச்செல்ல புரிந்துகொள்ள முடியும். இத்தகைய உண்மையை இக்கவிதை நமக்கு விளக்கமாக சொல்லுகிறது.

வாழ்க வளமுடன்

-----

Present by: