Shanti Thavam or Shanti Meditation Benefits!

சாந்திதவம் தரும் பலன்கள்!

சாந்தி என்றால் அமைதி என்பதாம்

சாந்தி தவமோ மனம் அமைதியாக்கும்

உடலோடு தவ ஆற்றல் ஊறிபரவிடும்

மனமும் உடலும் இணை பலமாகிடும்

மண்மீது புவிமீது அறிவு ஒன்றிடும்

இருக்கும் நோய்கள் இனி அகன்றிடும்

இனிதாய் தூக்கம் கனவின்றி வந்திடும்

பிரபஞ்ச அறிவுக்கு வழி பிறந்திடும்!

விளக்கம்:

யோக தவ சாதனையின் இரண்டாவது படி நிலை, சாந்திதவமே. சாந்தி என்றால் அமைதி என்பது அர்த்தமாகும். நிலைத் தன்மை என்றும் கொள்ளலாம். சாந்தி தவம், வாரத்தில் ஒருநாளாவது செய்தே ஆகவேண்டும் என்று கட்டாய விதி உண்டு. ஆனால், எப்போதெல்லாம் உடல், மனம் ஒரு சோர்வை உணர்கிறதோ அப்போதெல்லாம் கூட இந்த சாந்திதவம் செய்யலாம். உடனடியாக பலன் அளிக்கும்.

மேலும், மனம் அமைதி அடையும், தவ ஆற்றல் உடலோடு ஊறிபரவி நன்மை அளிக்கும். மனமும் உடலும் பிணைப்பு பலமாகிவிடும். மூலாதாரம் என்ற நிலை, மண் எனும் பௌதீக தோற்றத்தின் மூலமாக இருப்பதால், மண், நாம் வாழும் புவி இவற்றின் மீதான அறிவில் ஒற்றுமை வரும். இதனால் அகழ்வாராய்ச்சி செய்பவர்கூட பலன் பெறலாம்.

தொடர்ந்து செய்துவர, ஏற்கனவே இருக்கும் நோய்கள் குணமாகும். கனவுகள் அற்ற ஆழ்ந்த உறக்கம் பழக்கமாகும். அதனால் நாள் முழுதும் உற்சாகம் மிகுந்துவரும். பிரபஞ்சம் குறித்த அறிவு விரிய இந்த சாந்திதவம் உதவும் என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: