What does Thuriyatheetha Meditation give?

 துரியாதீதம் தருவது என்ன?

எதுவாக இருந்து எங்கேயிருந்து

எதெதுவாக மாறிநீ ஆகவுமாக

இருக்கிற உண்மை அதைகுரு

முழுதாக உணர்த்தும் வழிஅது

துரியா அதீததவ தீட்சையாம்!

இருந்தது இருப்பது இருந்திடும்

மெய்ப் பொருள் உணர்ந்திட

களங்கமும் தீர தூய்மையாம்!

விளக்கம்:

யோகத்தில் மெய்ப்பொருள் நிலைப்பேறு உணரும் தவமே துரியாதீதம் என்பதை இந்தக்கவிதை விளக்குகிறது. மெய்ப்பொருள் ஒன்றுதான், எக்காலமும் இருந்தது, இருப்பது, இருக்கப் போவதும் ஆகும். மற்றெல்லாம் காலத்தால் நிலைபெறாமல், மாறிடும் அல்லது அழிந்திடும். அந்த மெய்ப்பொருள், எந்தெந்த பொருளாக, உயிராக மாறி, மனிதனாகவும் வந்திருக்கிறதோ, அந்த உண்மையை, இந்த துரியாதீதத்தில் குரு உணர்த்துகிறார். அறிமுகம் செய்து வைக்கிறார் என்பதே உண்மை. இத்துரியாதீதம் வழங்கியவர், குருமகான் வேதாத்திரி மகரிசி என்பதை மறவாதீர்.

துரியாதீத தீட்சையால் மட்டுமே இவ்வுண்மை அறிந்திட முடியும். குருவின் வழிகாட்டலின் படி, தொடர்ந்து இத்தவம் பயின்றுவர, கர்மா என்ற வினைப்பதிவுகளின் களங்கங்கள் தீர்ந்து, தூய்மை பெறலாம்.

வாழ்க வளமுடன்.

-----

Present by: