What is eligibility to getting Duriyam?

 துரியம் பெற தகுதி என்ன?

துரியம் வரை உயர்ந்திடவே ஆண்டு

பதினாறு கூடவே ஆகிடும் இந்நிலை

கிடைக்கும் முன்விட்டோ டினர்பலர்!

இக்காலம் பதினாறு நாட்கள் போதும்!

எளிமை யோகம் தந்த வேதாத்திரியை

போற்றிட வார்த்தை இல்லை உண்மை!

யாவரும் இதை எளிதில் தந்திடமாட்டார்

தகுதி எவர்க்கும் இல்லையென தவிர்ப்பார்!

கொடுத்தாலே தகுதி தானாய்வரும் என்றே

உயர்நிலை கொண்டார் நம்குரு வேதாத்திரி!

விளக்கம்:

சித்தர்கள் யோகம் தந்த காலங்களிலும், சுமார் நூறு ஆண்டுகளுக்கு முன்பு வரையும்கூட, தீட்சை பெற்று, மூலாதரம் முதல், சுவாதிஷ்டானம், மணிபூரகம், அநாதகம், விசுத்தி, ஆக்ஞை என்ற நிலை அடைவதற்கே பன்னிரெண்டு ஆண்டுகள் ஆகும் என்று கண்டோம். ஞான வள்ளல் பரஞ்சோதி மகான் காலத்தில், உடனடியாக, மூலாதரத்திலிருந்து, தொட்டு எழுப்பி ஆக்ஞை உயர்த்தித்தரும் தீட்சை அவர் மூலமாகவே வந்துவிட்டது. அவரின் வழியே குரு மகான் வேதாத்திரியும் வழங்கி வருகிறார்.

ஆக்ஞைக்குப் பிறகு துரியம், மொத்தமாக பதினாறு ஆண்டுகள் என்றிருந்த காலம், இன்று பதினாறே நாட்களில் கிடைக்கிறது என்ற நிலைக்கு வேதாத்திரியம் மாற்றம் தந்துவிட்டது. இத்தகைய எளிமையான குண்டலினி யோகத்தை வழங்கிய பரஞ்சோதி மகானையும், வேதாத்திரி மகரிசியையும் போற்றிட வார்த்தைகள் இல்லை.

எத்தனையோ ஆன்மீக, யோக சாதனை முறைகள் இவ்வுலகில் இன்றும் வழங்கப்படுகின்றன. ஆனாலும் கூட உடனடியாக ஆக்ஞையோ அதன் வழியாக துரியமோ தந்துவிட மாட்டார்கள் என்பது உறுதியா தெரிந்த தகவல் ஆகும். ஏன் என்று கேட்டால், உனக்கு அந்த தகுதி வர தாமதமாகும், அதுவரை பொறுத்திரு என்று பொதுவான தவ முறைகள் மட்டுமே கற்றுத் தருவார்கள். வேதாத்திரி மகரிசியோ, இதெல்லாம் கொடுத்தால்தான் மக்கள் தகுதிநிலை அடைவார்கள் என்ற உயர்ந்த நோக்கம் கொண்டு கற்பிக்க ஆரம்பித்தார். அதனால் அக்காலத்தில் சில எதிர்ப்புக்களையும் பெற்றார். ஆனால் காலபோக்கில் வேதாத்திரி மகரிசியின் உறுதியைக் கண்டு எதிரிகள் விலகிவிட்டனர். இத்தகைய உண்மையை இந்தக்கவிதை விளக்கமாக சொல்லுகிறது.

-----

Present by: