You can feel sprit, in Duriya Meditation!

 உயிரை உணரலாம், துரியத்தில்!

தன்னை நான் யாரென்று அறியும்

வழியின் நிறைவான வாசல் துரியம்

அண்டம் பிண்டம் இவற்றில் உள்ளது

எதுவென அறிந்திடும் உண்மை இது

யோக தவத்தின் உச்சம் இச்சுத்தி

இதற்கு இணை தவமில்லை உசத்தி

உயிரை எவரும் கண்டது உணர்ந்தது

யாரென்றது பொய் உணர்க துரியத்தில்!

விளக்கம்:

துரியம் என்பது யோக தவ நிலைகளில் உச்ச நிலை ஆகும். ஒரு மனிதன், தன் பிறப்பின் கடமையான “நான் யார்?” என்று அறிதலின் நிறைவான வாசலுக்கான வழி இதுவே. அண்டத்தில் உள்ளது பிண்டத்தில் என்ற உண்மையை புரிந்துகொள்வதற்கான வாய்ப்பு இங்கேதான் உருவாகிறது. “எது” அப்படியாக, ஒன்றாக கலந்திருக்கிறது என்பதை தெரிந்து கொள்ளலாம்.  

இந்த துரிய தவத்தை “சுத்தி” என்றும் அக்கால சித்தர்கள், யோகிகள் அழைப்பார்கள். துரிய தவம் பழகப்பழக, ஒர் உண்மை அந்த தவசாதகருக்கு கிடைக்கும். அது என்னவென்றால்? இந்த உலகில், எந்த மனிதரும் உயிரை கண்டதும் இல்லை, உணர்ந்ததும் இல்லை என்று பொதுவாக சொல்லுவார்கள். அது பொய், உயிரின் அசைவை, இயக்கத்தை நாம் இந்த துரிய தவத்தில் உணர்ந்துகொள்ள முடியும் என்பதுதான் அந்த உண்மை. என்பதாக இந்தக்கவிதை துரியத்தில் உயிர் உணர்தல் குறித்த உண்மைகளை விளக்குகிறது.

வாழ்க வளமுடன்

-----

Present by: