Can you misunderstand the mind?!

 மனதை தவறாக உருவகம் செய்யலாமா?!

மனமதை அறிவுக்கு எதிரியாகவே கட்டமைத்த

தத்துவ ஞானிகள் மேதைகள் புராண இதிகாசம்

எல்லோரும் எல்லாமும் மனமென்ற உண்மையை

அறிந்திடாத நிலையையே காட்டுதல் அறிவீர்

மனம் இதனாக கொண்டவனே மனிதனென்றால்

மனமோர் குரங்கு என்றால் மனிதனும்குரங்கே!

எதனைக்காட்டி மனதை வருவித்தாலும் அங்கே

முழுதாய் மாறிநிற்பதும் மனமே என்றறிவீரோ?!

விளக்கம்:

அந்தக்காலம் முதல், இந்தக்காலம் வரை, மனதை விவரித்து சொல்லும் பொழுது, “அறிவுக்கு எதிரியே இந்த மனம்” என்றுதான் சொல்லப்பட்டிருக்கிறது. இப்படி சொன்னவர்கள் தத்துவஞானிகளும், மேதைகளும், புராண, இதிகாசங்களுமே அடங்கும். இதன் போக்கு, மனம் என்பதையை உண்மையாக அறிந்திடாத நிலையே ஆகும். ஒரு சிலர் பிற்காலத்தில் தங்கள் “மனம் குறித்த” நிலைப்பாடுகளை மாற்றிக்கொள்ளவும் செய்தனர். சித்தர்கள் மட்டுமே “மனம்” என்பதான் உண்மையை அறிந்து வைத்திருந்தார்கள். ஆனால் அவர்கள், தங்கள் பாடல்களில் பரிபாஷையோடு மறைவாக சொல்லியிருந்தனர். எனவே பிறர் எளிதில் புரிந்துகொள்ள முடியாததாகவும் இருந்தது.

குரு மகான் வேதாத்திரி மகரிசி அவர்கள். மனிதன் என்றாலே, மனம்+இதன்=மனிதன், இதமான மனதைக் கொண்டவனே மனிதன் என்று சொல்லுகிறார். மற்றவர்கள் சொல்லுகின்றபடி, மனம் ஒரு குரங்கு என்றால், மனம் கொண்டவன் மனிதன் என்பது மருவி, மனிதனும் குரங்கே என்றல்லவா அர்த்தமாகிவிடுகிறது! இந்த உலகில் நாம், இறக்கும் காலம் வரை, மனதால்தான் வாழ்கிறோம், மனதைக் கொண்டுதான் அனுபவித்து வாழ்கிறோம். இந்த உலகில் எந்த ஒன்றை மனதால் பார்த்தாலும், அனுபவித்தாலும், அங்கே முழுதாக “அதுவாகவே மாறி” நிற்பதும் அதே மனம் என்ற உண்மை அறிவீர்களா? என்ற சிந்தனைக்கேள்வியை இந்தக்கவிதை விளக்கத்தோடு கேட்கிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: