Have a mind free from the emotions!

 உணர்ச்சியில் சிக்காத மனம் வேண்டும்!

மனம்தன் உணர்வில் கொண்ட படிகள்பத்து

உணர்ச்சி தேவைமுயற்சி செயல் விளைவு 

அனுபவம் அனுபோகம் ஆராய்ச்சி தெளிவு

முடிவு ஆகியன பொதுவாம் எம்மனிதருக்கும்!

இதில்பெற்ற அனுபவப் பதிவுகளே ஒருவர்க்கு

அறிவாட்சி தரமாகிடும் உணர்ச்சி வசப்படாதீர்!

வாழும் இவ்வுலகில் பிறர்மனதூண்டல் அதிகம்

எளிதில் சிக்கிடாவண்ணம் விழிப்பாய் இருப்பீர்!

விளக்கம்:

மனமானது, உடல், காது, கண், மூக்கு, நாக்கு மூலமாகவே இன்பங்களை, பெறுகிறது. அந்த உணர்வுகளில், அல்லது அக்கருவிகளின் மூலமான செயல்களில், துன்பம் எழுமானால், அதை வலி என்பதாக மனம் உணர்கின்றது. அந்த வலியை போக்கிக்கொள்ள, மனதிற்கு பத்து படிநிலைகள் உள்ளன. அவை என்ன? 

முதலில் உணர்ச்சி, தேவை, முயற்சி, செயல், விளைவு, அனுபவம், அனுபோகம்,  ஆராய்ச்சி, தெளிவு, இறுதியாக முடிவு ஆகியன ஆகும். இவை மனமுள்ள எல்லா மனிதருக்கும் பொதுவானது. இந்த பத்து படிநிலைகள் மூலமாகவே மனதின் குணம் (Character) அமைகிறது. மேலும், இதில் அனுபவம் என்ற பதிவுகளின் படியே ஒரு மனிதனுக்கு அறிவாட்சித்தரம் (Personality) அமைகிறது. இத்தகைய தெளிவான மனம் குறித்த உண்மையை, வேதாத்திரி மகரிசி சொல்லியுள்ளார்.

இதன்படி, ஒருவர் அடிக்கடி உணர்ச்சி வசப்பட்டால், அவருடைய குணமும், அறிவாட்சித்தரமும் மாறிக்கொண்டே இருக்கும். இந்த உலகில் பெரும்பாலும், பிற மனிதர்களின் உணர்ச்சிகளை தூண்டிவிடுவதாகவே நிகழ்ச்சிகள் நடைபெறுகின்றன. இந்த உணர்ச்சி வலையில் சிக்கிடாத வகையில், நாம் விழிப்பாக இருக்கவேண்டியது அவசியமாகிறது. இதனால் நம்முடைய நோக்கம் சிதையாமல் பார்த்துக்கொள்ளலாம் என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: