Kaanthan is a Mind by Siddhars

 சித்தர்களின் காந்தனே மனமாம்!

சித்தர்கள் சொன்ன காந்தனே மனமாகும்

காந்தம் என்றொரு சிறப்புச் சொல்லதனின்

இயல்பான இறுக்கும் தள்ளும் விசையான

இயக்கம் இதையே வேதாத்திரியும் ஏற்றார்!

ஒவ்வோர் ஆகாசதுகளுக்கும் இடையே நின்று

ஒட்டாது விலகாது காத்து விளைவாகியுணரும்

ஒப்பற்ற காந்தமே மனமும் என்றேயுண்மையறி!

நுணுகிய ஆராய்ந்தறிந்த உண்மை இதுதானே!

விளக்கம்:

மனம் என்பதை கண்டு உணரும் பொழுது அதை, காந்தம் என்றறிந்து, “காந்தன்” என்ற பெயர்ச்சொல்லாக, குறிப்பாக உணர்த்தினார்கள். ஏற்கனவே காந்தம் என்ற இயற்பொருள் பூமியில் உண்டு. இரு துருவங்களை கொண்ட ஒரு பொருள். ஒரே துருவம் விலக்கும், எதிரெதிர் துருவம் இணையும்.  அத்தகைய தன்மை கொண்டே இந்த மனம் இருப்பதாகவும், அதுவே ஆகாசம் (விண்) என்ற உயிர்துகள்களுக்கு இடையே இருந்து, அந்த விண்துகள்களை இறுக்கும் தள்ளும் விசையோடு அவற்றை ஒட்டாமலும் விலகி ஓடிவிடாதபடியும் காத்துக்கொள்வதாக அறிந்தார்கள். சித்தர்கள் சொன்ன இந்த உண்மைகள், பலவாற குழப்பப்பட்டு சிதைந்து போயிருந்த நிலையில், அவற்றை தொகுத்து, அவற்றின் நிலையான உண்மை அறிந்து, இக்கருத்தையே வேதாத்திரி மகரிசி அவர்களும் ஏற்றுக்கொண்டார்.

மேலும் வேதாத்திரி மகரிசியின் கருத்துப்படியே, அதன் அடுத்த நிலையாகவும், அவர் ஆராய்ந்து கண்ட உண்மை வெளிவருகிறது. அது என்ன என்றால், இந்த காந்தமே, விண் துகள்களோடு கூடி விளைவாகி, அந்த விளைவையும் உணர்ந்து கொள்ளும் “மனம்” என்ற சிறப்பியக்கமாக மலர்கிறது என்று குறிப்பிடுகின்றார்.  குருமகான் வேதாத்திரி மகரிசி மட்டுமே, மனம் என்பதற்கு, இதுவரையிலும் யாரும் விளக்கிச் சொல்லாத நிலையில், நமக்கு தெளிவான விளக்கத்தை தந்திருக்கிறார் என்பதை இந்தக்கவிதை தெளிவு செய்கிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: