Scientist's and Saint's opinion of the mind!

 மனம் குறித்து விஞ்ஞானி மெய்ஞானி கருத்து!

மனமென்பது எது என்றால் அரூபம்

இருக்குமிடம் மூளை நெஞ்சம் என்பார்

இருப்பது தெரியாது ஆனால் அதன்

அலை இயக்கம் அளக்க முடிந்திடும்

என்றே விஞ்ஞான அறிஞர் சொல்வர்!

எக் கருவியும் இல்லாமல் மெய்ஞானி

உள் முகமாக அறிந்தே மனமும்அதன்

இயல்பு தன்மை யோகத்தால் தந்தார்!

விளக்கம்:

இந்த உலகில் என்று, மனம் குறித்த சிந்தனை எழுந்ததோ, அது முதல் அதனை அறிந்து கொள்ளவும், அதன் இருப்பிடம், இயல்பு என்ன? தன்மை என்ன? எப்படி செயல்படுகிறது? மனிதன் மனதோடு எப்படி தொடர்பு கொள்கிறான்? மனம் எப்படி மனிதனையே கட்டுப்படுத்துகிறது என்பதெல்லாம் ஆராய்ச்சி செய்தார்கள். இதில் முழுதும் வெற்றி பெற்று முழுமை கண்டவர்கள் மெய்ஞானியர்களே. இவர்கள் இன்னும் ஒருபடி முன்னேறி. மனதை அறிந்து அதன் வழியாக இறை உண்மையும் அறிந்தார்கள். இந்த மெய்ஞானிகள், எந்தக்கருவிகளும் இல்லாமல், யோகத்தின் வழியாகவே கண்டறிந்தார்கள்.

ஆனால் அக்காலம் முதல், இக்காலம் வரை, அணுவியல், விஞ்ஞானவியலில் மனம் ஒரு அரூபம் அது ஒரு, மனித இயக்கத்தின் செயல்பாட்டு குறிப்பு, அதை தனியாக நிரூபணம் செய்ய இயலாது. மனம் என்ற உடனே, மூளையை அல்லது நெஞ்சுப்பகுதியை தொட்டு, இங்கே இருப்பதாக காண்பிப்பார்கள். 

ஆனால், மூளையின் வழியாக, அதன் அலைகளை பெறலாம். இயக்கங்களை தெரிந்துகொள்ளலாம் என்று கண்டுபிடித்தனர். இந்த அறிஞர்கள், கண்காணா ஒரு பொருளை, பொருளாக எடுத்துக்கொள்ள மாட்டார்கள். எனவே மறைபொருளான மனதை மூளை என்ற உடற்கருவியின் வழியாக மட்டுமே,  மூளையின் ஒரு பகுதி இயக்கம் என்ற வகையில்தான் ஏற்றுக்கொள்கிறார்கள். தனியாக மனம் என்பது குறித்து மதிப்பளிப்பதில்லை. Brain is made of physical matter whereas mind is not made of physical matter என்பார்கள்.

உணர்வும், மனமும் இந்த நவீன அறிவியலுக்கு, ஒரு பெரும் பிரச்சனையாக இருக்கிறது என்று கருதுகிறார்கள். ஆனால் மெய்ஞானிகள் சொல்வதை, இந்த அறிஞர்கள் ஏற்றுக்கொள்ளவும் மாட்டார்கள். இப்படியான மனம் குறித்த வித்தியாச அறிதல்களை இந்த கவிதை விளக்குகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: